નવી દિલ્હી / જો બહુમતી સમુદાયના લોકો સાવચેત નહીં રહે તો મુગલ શાસન પરત ફરી શકે છેઃ તેજસ્વી સૂર્યા

• ભાજપના યુવા સાંસદ તેજસ્વી સૂર્યાનું નિવેદન
• બહુમતી સમુદાયના લોકોએ ચેતીને રહેવાની જરૂરિયાત
• લોકસભામાં રાષ્ટ્રપતિના અભિભાષણ પર ધન્યવાદ પ્રસ્તાવ પર આપ્યું નિવેદન

તેજસ્વી સૂર્યાએ બુધવારના રોજ લોકસભામાં રાષ્ટ્રપતિના અભિભાષણ પર ધન્યવાદ પ્રસ્તાવ પર ચર્ચા દરમિયાન આ અંગે જણાવ્યું હતું.  શાહીન બાગમાં ચાલી રહેલા પ્રદર્શનનો ઉલ્લેખ કરતાં તેજસ્વી સૂર્યાએ કહ્યું કે જો બહુમતી સમુદાયના લોકો સાવચેત નહીં રહે તો મુગલ રાજ દૂર નથી.
 

જો કે ભાજપના આ યુવા સાંસદના નિવેદન બાદ સંસદમાં ભારે હંગામો જોવા મળ્યો હતો. સૂર્યાએ દાયકાથી પડી રહેલી સમસ્યાઓનો નિકાલ કરવાને લઇને પીએમ નરેન્દ્ર મોદી ની પ્રશંસા કરી હતી. 

તેજસ્વીએ જણાવ્યું કે જૂના ઘાવને મટાડ્યા વગર ન્યૂ ઇંડિયાનું નિર્માણ થઇ શકશે નહીં. સૂર્યા કહ્યું કે CAA પાકિસ્તાન, બાંગ્લાદેશ અને અફઘાનિસ્તાનથી દુઃખી થઇને  આવેલા અલ્પસંખ્યકોને નાગરિકતા આપવાનો કાયદો છે, આ કોઇની નાગરિકતા છીનવી શકે નહીં. 
 

ભાજપના નેતા સૂર્યાએ કહ્યું કે આ અંગે વિપક્ષ પણ જાણે છે કે CAA નું અહીં કોઇની સાથે લેવાદેવા નથી, તેમ છતાં તેનો વિરોધ કરવામાં આવી રહ્યો છે જે નિરાશાજનક છે.  તેજસ્વીએ કહ્યું કે CAA પાકિસ્તાન સહિત પાડોશી દેશમાંથી દુઃખી (તરછોડાયેલા) અલ્પસંખ્યકોને નાગરિકતા આપવા માટે છે પરંતુ વિરોધ કરીને વિપક્ષ તેમના નાગરિકતા મેળવવા માટે રોકી રહ્યાં છે. જેના માટે આવનાર પેઢી તેમને માફ ક્યારે નહીં કરે.