કાર્યવાહી / ફરીવાર ચીનની મુશ્કેલીમાં થશે વધારો, મોદી સરકાર લાગુ કરશે આ નવો નિયમ

• ચીનને ફરી મોટો ઝટકો આપવાની તૈયારીમાં મોદી સરકાર
• ટૂંક સમયમાં ઇલેક્ટ્રોનિક રિટેલરો માટે જાહેર થશે નવો નિયમ 

ત્યારે મોદી સરકારે તાજેતરમાં જ સુરક્ષાના કારણો આપીને ચીનની 59 એપ્સ પ્રતિબંધ લાદ્યો છે. ત્યારે હવે મોદી સરકારે વધુ એક નિયમ લાગુ કરવા જઇ રહી છે. જેની ચીન પર ખૂબ જ ખરાબ અસર પડશે. 

મોદી સરકાર ચીનને આપશે વધુ એક ફટકો 

સરકાર આ અઠવાડિયાના અંત સુધીમાં ઇલેક્ટ્રોનિક રિટેલરો માટેના નવા નિયમોનો અમલ કરવા જઈ રહી છે. આ નિયમ હેઠળ, વિક્રેતાઓને તેમના ઉત્પાદન પર દેશ સહિતની વિગતો આપવી ફરજિયાત રહેશે.

ઉત્પાદન અંગેની આપવી પડશે માહિતી 

સરળ ભાષામાં સમજીએ તો વેચનારે તેના ઉત્પાદન પર કહેવું પડશે કે માલ ક્યા દેશનો છે અથવા કયા દેશમાંથી બનાવવામાં આવે છે. તેનાથી ગ્રાહકોને તે સમજવું સરળ બનશે કે શું તેઓ ભારતમાં બનેલા માલનો ઉપયોગ કરી રહ્યા છે કે અન્ય દેશોના ઉત્પાદનોનો ઉપયોગ કરી રહ્યા છે.

ચીનને પહોંચશે અસર 

આ નિયમના અમલ બાદ ભારતમાં ચીનના વ્યવસાયને પણ અસર થઈ શકે છે.આપને જણાવી દઇએ કે ભારતમાં ચીની ઉત્પાદનોનો બહિષ્કાર કરવાની ઝુંબેશ ચરમસીમાએ છે.

શું છે નિયમ 

કેન્દ્રીય પ્રધાન રામ વિલાસ પાસવાનના જણાવ્યા મુજબ, ગ્રાહક સુરક્ષા (ઇ-કોમર્સ) નિયમો, ૨૦૨૦ 'ભારતમાં અથવા વિદેશમાં નોંધાયેલા તમામ ઇલેક્ટ્રોનિક રિટેલરો (ઇ-ટેલર) પર લાગુ થશે.

રામવિલાસ પાસવાને આપી માહિતી 

ગ્રાહક બાબતોના પ્રધાન પાસવાને જણાવ્યું હતું કે નિયમોના ઉલ્લંઘન માટે ગ્રાહક સુરક્ષા સત્તા અને ગ્રાહક અદાલતોને કાયદા હેઠળ નિર્ધારિત દંડ સહન કરવો પડશે.