તમારા કામનું / 1.5GB ડેટા આખો દિવસ ચાલશે! કેવી રીતે? બસ ફોનમાં કરી લો આ સેટિંગ

ઈન્ટરનેટનો ઉપયોગ અતિશય વધી ગયો છે. રિચાર્જ પ્લાનમાં મળતો 1.5 GB કે 1GB ડેટા ક્યારે પૂરો થઈ જાય છે તેની ખબર જ નથી પડતી. ક્યારેક તો દિવસ પહેલા ડેટા પૂરો થઈ જતો હોય છે અને જરૂરી કામ અટકી જતાં હોય છે. ડેટા પૂરો થવા પર આપણે ઘણી વાર ડેટા એડ ઓન પ્લાન કરાવતા હોય છે, જે ઘણા ખર્ચાળ પણ હોય છે. જો તમે પણ ઝડપી ડેટા પૂરો થવાની સમસ્યાથી પીડાઓ  છો તો આ ખબર તમારા માટે જ છે.

અહીં અમુક શાનદાર રીતો જાણીશું કે જેથી રિચાર્જ પ્લાનમાં મળતા ડેલી ડેટાને આખો દિવસ ચલાવી શકો છો. આની માટે તમારે માત્ર અમુક બાબતોનું ધ્યાન રાખવાનું રહેશે અને પોતાના મોબાઇલમાં અમુક જરૂરી સેટિંગ્સને બદલવાની રહેશે. આ બાદ નાના રિચાર્જ સાથે મળતો ડેટા પ્લાન પણ સરળતાથી આખો દિવસ ચાલશે.

ડેટા સેવર મોડનો ઉપયોગ કરવો

વર્તમાનમાં સ્માર્ટફોન ખૂબ એડવાન્સ બની ગયા છે. લગભગ 99% સ્માર્ટફોનમાં કંપની ડેટા સેવર મોડ હોય છે. આની મદદથી તમે ડેટાને વધુ ખર્ચ થવાથી બચાવી શકશો. જણાવી દઈએ કે જ્યારે તમે ડેટા સર્વર મોડ ઓન કરો છો ત્યારે બેકગ્રાઉન્ડમાં વપરાતા ડેટાની ખપતને ઘટાડી દે છે. આ સાથે ડેટા સેવર મોડ ઓન હોવાથી તમને વિડીયો ક્વોલિટી લો મળે છે.

ઓટો અપડેટને બંધ કરવું

ડેટાને ખર્ચ થવાથી બચવા માટે ઓટો અપડેટ ઓપ્શનને બંધ કરવું જોઈએ. હકીકતમાં જો તમે ઓટો અપડેટ ઓન રાખ્યું છે તો આ મોબાઈલ ડેટાથી બેકગ્રાઉન્ડમાં એપ્સને ઓટોમેટીક અપડેટ કરે છે જેથી ડેટા ઝડપી પૂરો થાય છે. ઓટો અપડેટ બંધ હોવાથી જરૂર અનુસાર એપ્સને અપડેટ કરી શકો છો.

ફોટો અને વિડીયો ક્વોલિટી

સોશિયલ મીડિયા પ્લેટફોર્મ પર આવતા વિડીયોને હાઈ ક્વોલિટીમાં ડાઉનલોડ કરવાથી બચી શકો છો. જો તમે ડેટા ઓછો ખર્ચ કરવા ઈચ્છો છો તો તમારે 720 પીક્સલ, 480 પકસલ અને 360 પીક્સલમાં ડાઉનલોડ કરવું જોઈએ.  

ફોનમાં ડેટા લિમિટ સેટ કરવી

જો તમે એન્ડ્રોઇડ યુઝર છો તો તમે ઘણી રીતે ડેટા ખર્ચ ઘટાડી શકો છો. એન્ડ્રોઇડ ફોનની સૌથી મોટી ખાસ વાત એ છે કે આમા લિમિટ સેટ કરી શકો છો. આના માટે તમારે ફોનની સેટિંગમાં જઈને કનેક્શન પર ક્લિક કરવાનું રહેશે. હવે ડેટા યુઝ પર જવાનું રહેશે.  

વધુ વાંચો: ગ્રીન ટી કે આદુની ચા? જાણો કયું ડ્રિંક તમારા હેલ્થ માટે છે સૌથી વધારે બેસ્ટ

હવે તમારે મોબાઈલ ડેટા યુસેઝ પર જઈને રાઇટ કોર્નરના આઇકન પર ક્લિક કરવાનું રહેશે. હવે તમારે Set Data Warning ને ઓન કરવાનું રહેશે. અહીં તમે મરજી મુજબ ડેટા લિમિટ સેટ કરી શકો છો. તમે જો ડેટા લિમિટ સેટ કરશો તો તેટલો ડેટા પૂરો થયા બાદ તમારો ડેટા કામ કરવાનું બંધ કરશે. 

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ