VIDEO / Reelના ચક્કરમાં જોખમી સ્ટંટબાજોના Videos વાયરલ, પોલીસે બોલાવ્યો તપાસનો ધમધમાટ

અંબાજી નજીક આવેલા ચિખલા હેલીપેડ જેવી સંવેદનશીલ જગ્યાએ કેટલાક બુટલેગરોએ જન્મદિવસની પાર્ટીની ઉજવી કાયદા અને વ્યવસ્થાના જાહેરમાં ધજાગરા ઉડાવ્યા હોવાનો વીડિયો સોશિયલ મીડિયામાં વાયરલ થતાં પોલીસ તંત્ર હરકતમાં આવ્યું છે.

સ્થાનિકોમાં રોષ

વાયરલ વીડિયોમાં કેટલાક યુવકો કાળા કાચવાળી અને નંબર પ્લેટ વગરની સ્કોર્પિયો ગાડી પર ચઢીને નાચતા અને ઉજવણી કરતા જોવા મળે છે. આ વીડિયો ચિખલા હેલીપેડ પર બનાવવામાં આવ્યો હોવાનું સામે આવતા સ્થાનિક લોકોમાં પણ રોષ જોવા મળ્યો હતો.

પોલીસે કાળા કાચવાળી સ્કોર્પિયો કબ્જે કરી

વીડિયો પોલીસ સુધી પહોંચતા જ અંબાજી પોલીસે તાત્કાલિક કાર્યવાહી હાથ ધરી હતી. તપાસ દરમિયાન બે આરોપીઓની ધરપકડ કરવામાં આવી છે. ઉપરાંત, કાળા કાચવાળી સ્કોર્પિયો ગાડી પણ પોલીસે કબ્જે લીધી છે.

અન્ય આરોપીઓની ઓળખ કામગીરી ચાલુઃ ડીવાયએસપી

આ મામલે ડીવાયએસપીએ જણાવ્યું હતું કે, “જિલ્લામાં અસામાજિક તત્વો સામે બનાસકાંઠા પોલીસની લાલ આંખ રહેશે. કાયદો હાથમાં લેનાર કોઈપણ વ્યક્તિને છોડવામાં આવશે નહીં.” વીડિયોમાં દેખાતા અન્ય આરોપીઓની ઓળખ કરવાની કામગીરી ચાલુ છે અને આગામી દિવસોમાં વધુ ધરપકડો કરવામાં આવશે.આ સમગ્ર ઘટનાએ સંવેદનશીલ સ્થળોની સુરક્ષા અને કાયદા-વ્યવસ્થાના અમલ અંગે ફરી એકવાર ચર્ચા જગાવી છે.

આ પણ વાંચોઃ પીપળી નજીક ગ્રીનફિલ્ડ એરપોર્ટ પર લેન્ડિંગનું ટેસ્ટિંગ સફળ, જુઓ Video

લક્ઝરી કારથી સ્ટંટ બનાવતો વીડિયો વાયરલ થયો

રીલ બનાવી વાયરલ થવાના ચક્કરમાં યુવાનોએ લક્ઝરી કારથી કર્યો સ્ટંટ કર્યા હતા. સાપુતારા ઘાટ માર્ગ પર લક્ઝરી કારથી સ્ટંટ બનાવતો વીડિયો વાયરલ થયો હતો. ઘાટ માર્ગ પર BMW કારચાલક સ્ટંટ કરી વીડિયો બનાવતા હતા. જોખમી રીતે કાર હંકારી લોકોનો જીવ જોખમમાં મૂકવાનો કર્યો પ્રયાસ. જાગૃત નાગરિકે વીડિયો બનાવીને સોશિયલ મીડિયામાં વાયરલ કર્યો. વાયરલ વીડિયોના આધારે સાપુતારા પોલીસે તપાસનો ધમધમાટ બોલાવ્યો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ