- વડોદરા-વાઘોડિયાના રોડ કામમાં વિલંબ થતાં MLA રોષે ભરાયા
- કોન્ટ્રાકટર અને અધિકારીનો ધર્મેન્દ્રસિંહ વાઘેલાએ ઉધડો લીધો
- 2 દિવસમાં કામ શરું નહિ કરે તો રોડ પર દોડાવીશઃ ધર્મેન્દ્રસિંહ
- આ રોડ પર અકસ્માતમાં 14 લોકોએ જીવ ગુમાવ્યા છેઃ ધર્મેન્દ્રસિંહ
- કોન્ટ્રાક્ટરના પાપે લોકો જીવ ગુમાવે તે ચલાવી ના લેવાયઃ ધર્મેન્દ્રસિંહ
MLA Dharmendra Singh Vaghela : વડોદરા-વાઘોડિયાના રોડ કામમાં વિલંબ થતાં MLA રોષે ભરાયા છે. વાત જાણે એમ છે કે, ધારાસભ્ય ધર્મેન્દ્રસિંહ વાઘેલાએ કોન્ટ્રાકટર અને અધિકારીનો ઉધડો લીધો હતો. વિગતો મુજબ રોડના કામમાં વિલંબને લઈ ધારાસભ્ય ધર્મેન્દ્રસિંહ વાઘેલાએ 2 દિવસમાં કામ ચાલુ કરવાનું અલ્ટિમેટમ આપ્યું છે. આ સાથે 2 દિવસમાં કામ શરું નહિ કરે તો રોડ પર દોડાવીશ તેવું પણ કહ્યું હતી. MLA એ કહ્યું કે, આ રોડ પર અકસ્માતમાં 14 લોકોએ જીવ ગુમાવ્યા છે, કોન્ટ્રાક્ટરના પાપે લોકો જીવ ગુમાવે તે ચલાવી ના લેવાય.
વડોદરા-વાઘોડિયાના ધારાસભ્ય ધર્મેન્દ્રસિંહ વાઘેલા રોડ કામમાં વિલંબને લઈ રોષે ભરાયા હતા. જેથી તેમણે કોન્ટ્રાક્ટર અને અધિકારીઓનો ઉઘડો લીધો હતો. જ્યાં તેમણે કોન્ટ્રાક્ટરને કહ્યું કે, તમે અત્યારે ને અત્યારે લખીને આપી દો. આ તને અત્યારે એક કલાકમાં લખીને આપશે, પછી તું કામ ક્યારે ચાલુ કરીશ. (બે દિવસમાં) બે દિવસ નહીં ચાલે, તું આમની પાસેથી અત્યારે માંગે તો તારું કામ અત્યારે ને અત્યારે ચાલુ થવું જોઇએ. (સર પરમદિવસે ચાલુ થઇ જશે) કાલે ચાલુ કરવું છે કે નથી કરવાનું. (કરી દઇશું કાલે ચાલુ) કાલની તારીખમાં કામ ચાલુ થવું જોઇએ, અને આ કામ જે કંઇ અધિકારીની રૂબરૂમાં તારે ચર્ચા કરવી હોય તે કરી લે, કાલથી કામ ચાલુ નહીં થાય તો આ વાઘોડિયા રોડ પર હું તને દોડાવડાવીશ. બરોબર છે.
આ સાથે ધારાસભ્યને કોન્ટ્રાક્ટરને કહ્યું હતું કે, આ તને છેલ્લી વોર્નિંગ આપું છું. કારણ કે અહીંથી કેટલીય પબ્લિક નીકળે છે. 14 જણા આ રોડ પર મરી ગયા છે. તારા પાપના હિસાબે અને તમારા અધિકારીઓના 2ના પાપના હિસાબે 14 માણસોએ જીવ ગુમાવ્યો છે. એટલે તને છેલ્લી વોર્નિંગ છે, કે કાલની તારીખમાં તું કામ ચાલુ કરી દેજે, નહીં તો તારી સમયમર્યાદા પૂર્ણ થઇ ગઇ છે. કાલે જો કામ ચાલુ ના કરે તો આના બ્લેકલિસ્ટની પ્રોસેસ ચાલુ કરી દે.
