મહેસાણા / ગોઝારિયામાં કરોડોનું પાણી કૌભાંડ

મહેસાણાના ગોઝારિયામાં ગ્રામ પંચાયતની જગ્યામાં જ ગેરકાયદે મિનરલ વોટર પ્લાન્ટ ચલાવવામાં આવી રહ્યો છે. આ પ્લાન કૌશલ પટેલ નામનો શખ્સ ચલાવી રહ્યો છે. જે ઈન્ચાર્જ સરપંચ પ્રતિક પટેલનો મિત્ર છે અને પંચાયતનનું દરરોજનું 20 હજાર લીટર પાણી ગેરકાયદે રીતે આ મિનરલ વોટર પ્લાન્ટમાં લેવામાં આવે છે.

મળતી માહિતી મુજબ વર્ષ 2014થી અત્યાર સુધી પંચાયતને 2 કરોડનું નુકસાન થયું છે અને પંચાયત દ્વારા 20 લીટર પાણી 18 રૂપિયાના ભાવે આપવામાં આવતું હોવાનું પણ સામે આવ્યું છે. અહીં સવાલ એ છે કે, જનતા માટે આપવામાં આવતું પાણી આખરે એક મિનરલ વોટર પ્લાન્ટ માટે કેમ આપવામાં આવી રહ્યું છે અને શા માટે તેના પર કોઈ કાર્યવાહી કરવામાં આવતી નથી?

એવી પણ વિગતો મળી રહી છે કે, તલાટી નોટિસ તો તૈયાર કરે છે પણ આ નોટિસમાં સરપંચ સહી કરવા તૈયાર નથી ? તો અહીં સવાલ એ છે કે, શું આ પાણીના કૌભાંડમાં કોઈ મોટા વ્યક્તિનો માથા પર હાથ છે? શું પાણીના આ કૌભાંડ પાછળ કોઈ મોટું માથું છે?