બિઝનેસ / Metaની આવકમાં ઘટાડો નોંધાતા રોકાણકારો માટે ખતરાની ઘંટડી, કંપનીમાં થઇ શકે છે અનેક મોટા ફેરફાર

• મેટા કંપનીના ત્રીજા ક્વાર્ટરની આવકમાં ઘટાડો
• કંપનીની આવક 4 % જેટલી ઘટી
• ઝુકેનબર્ગે પડકારનો સામનો કરવા કહ્યું 

ફેસબુક - વોટ્સએપની મૂળ કંપની મેટાએ પોતાના ત્રીજા ક્વાર્ટરની આવકમાં ઘટાડાની માહિતી આપી છે. કંપની દ્વારા મળેલ માહિતી અનુસાર મેટાની આવકમાં 4% જેટલો ઘટાડો નોંધાયો છે. મેટાની આવક 29.01 બિલિયન ડોલરથી ઘટીને 27.71% બિલિયન ડોલર થઇ છે.  તો મેટાઓ કહ્યું કે આ પડકારનો સામનો કરવા માટે કંપનીએ મહત્વપૂર્ણ બદલાવની યોજના પણ બનાવેલ છે.

Facebook parent company Meta sees 4 per cent sales dip

Read @ANI Story | https://t.co/6Bgm9dxyv7#Facebook #Meta pic.twitter.com/1X0EN6iqQp

— ANI Digital (@ani_digital) October 27, 2022

કંપનીમાં થઇ શકે છે બદલાવ
મેટાએ જણાવ્યું કે ફેસબુકના સક્રિય યૂઝર્સની સંખ્યા સપ્ટેમ્બરના અંત સુધીમાં 2% વધીને 2.96 અરબ થઇ ગઇ છે. તો કંપનીમાં કર્મચારીઓની સંખ્યા 87,314 થઇ છે જે એક વર્ષ પહેલાની સરખામણીએ 28% વધુ છે. મેટાએ કહ્યું કે વધુ કુશળતાથી કામ કરવા માટે બોર્ડમાં મહત્વપૂર્ણ બદલાવ થઇ શકે છે.

આવકમાં ઘટાડાનું કારણ
આવકમાં થયેલ ઘટાડો મોટાભાગે મેટાનાં મેટાવર્સમાં ભારે રોકાણને લીધે થયું હોઇ શકે છે. મેટામાં વર્ચ્યુઅલ રિયલીટી ડિવીઝન, રિયલિટી લેબ્સને આ ક્વાર્ટરમાં 3.672 બિલિયન ડોલરનું નુક્સાન થયું છે. તો સીઇઓ માર્ક ઝુકેરબર્ગે 3 બિલિયન ડોલરનાં નુક્સાનને યોગ્ય કહેતાં 2023 પર ધ્યાન આપવાની વાત કરી છે. વધુમાં તેમણે કહ્યું કે હાલનું વાતાવરણ કંપનીને મજબૂત બનાવવામાં મદદ કરશે. 

એક વર્ષ પહેલાં કરી મેટાની સ્થાપના
આશરે એક વર્ષ પહેલાં માર્ક ઝુકરબર્ગે વર્ચ્યુઅલ રિયલટીને પ્રોત્સાહન આપવા માટે મેટાની સ્થાપના કરી હતી. પરંતુ હવે કંપનીનાં શેરોની કિંમત ઘટી ગઇ છે, આવકમાં અને પ્રોફિટમાં ઘટાડો થઇ રહ્યો છે. તો રોકાણકારો માટે આ એક રેડ સિગ્નલ બની શકે છે. પરંતુ ઝુકરબર્ગ આ પડકારને સામાન્ય ઘણીને તેનો સામનો કરવા પણ કહી રહ્યાં છે.