કાર્યવાહી / મહેસાણાના ઝોનલ ઓબ્ઝર્વેશન હોમમાં તોડફોડ અને ગાર્ડ પર હુમલો, 7 સગીરો સામે ફરિયાદ નોંધાઈ

મહેસાણાના ઝોનલ ઓબ્ઝર્વેશન હોમમાં તોડફોડ અને ગાર્ડ સાથે મારામારીના મામલે કાર્યવાહી કરવામાં આવી છે. આ ઘટનાને લઈને પોલીસ સ્ટેશનમાં સાત સગીર સામે ફરિયાદ નોંધાવવામાં આવી છે. ઓબ્ઝર્વેશન હોમના અધિકારીએ આ મામલે ફરિયાદ નોંધાવી છે.

પ્રાપ્ત વિગતો મુજબ, રાત્રિના સમયે એક શખ્સ સામાન આપવા માટે ઝોનલ ઓબ્ઝર્વેશન હોમ ખાતે આવ્યો હતો. જોકે, તેને રોકવામાં આવતાં સગીરોએ હંગામો મચાવ્યો હોવાનો આક્ષેપ છે. આ દરમિયાન ગાર્ડ સાથે મારામારી કરવામાં આવી હતી તેમજ ઓબ્ઝર્વેશન હોમના કાચ તોડીને સરકારી મિલકતને નુકસાન પહોંચાડવામાં આવ્યું હતું.

આ ઉપરાંત, આપઘાત કરવાની ધમકી આપવા અને ખોટા કેસમાં ફસાવી દેવાની વાતને લઈને પણ ફરિયાદમાં ઉલ્લેખ કરવામાં આવ્યો હોવાનું જાણવા મળે છે.

આ પણ વાંચોઃ રાણીપની સોસાયટીમાં મેન્ટેનન્સના વિવાદમાં મારામારી, CCTV ફૂટેજ સામે આવ્યા

સમગ્ર મામલે ઝોનલ ઓબ્ઝર્વેશન હોમના અધિકારીએ પોલીસમાં ફરિયાદ નોંધાવતાં સાત સગીર સામે કાયદેસરની કાર્યવાહી હાથ ધરવામાં આવી છે. ઘટનાને પગલે ઓબ્ઝર્વેશન હોમમાં બનેલી તોડફોડ અને ગાર્ડ સાથેની મારામારીનો મામલો ચર્ચામાં આવ્યો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ