ઉત્તરપ્રદેશ / પ્રધાનમંત્રી બન્યા બાદ પહેલીવાર વૃંદાવન જશે PM મોદી, ઠાકુર બાંકે બિહારીના દર્શન કરવા પણ જશે

• પ્રધાનમંત્રી ઠાકુર બાંકે બિહારીજીના દર્શન કરશે
• શ્રદ્ધાળુઓ ત્રણ વનની પરિક્રમા કરે છે
• પ્રધાનમંત્રી 23 નવેમ્બરના રોજ ઠાકુર બાંકે બિહારીની મુલાકાત લેશે

પ્રધાનમંત્રી નરેન્દ્ર મોદી પ્રથમ વાર ઠાકુર બાંકે બિહારીજીના દર્શન કરશે. અગાઉ નરેન્દ્ર મોદી  12 ફેબ્રુઆરી, 2019ના રોજ વૃંદાવન અક્ષય પાત્ર ફાઉન્ડેશનમાં આયોજિત સમારોહમાં શામેલ થયા હતા, પરંતુ તે સમયે તેઓ પ્રધાનમંત્રી નહોતા. તત્કાલીન મુખ્યમંત્રી નરેન્દ્ર મોદીએ 22 ઓક્ટોબર 2010ના રોજ વાત્સલ્ય ગ્રામમાં વરિષ્ઠ પત્રકાર ભાનુ પ્રતાપ શુક્લા સંગ્રહાલયનું ઉદઘાટન કરવા આવ્યા હતા.

પ્રધાનમંત્રી 23 નવેમ્બરના રોજ કરશે દર્શન
પ્રધાનમંત્રી નરેન્દ્ર મોદી 23 નવેમ્બરના રોજ ઠાકુર બાંકે બિહારીની મુલાકાત લેશે. પ્રધાનમંત્રી નરેન્દ્ર મોદી બ્રજ રજ ઉત્સવમાં પણ શામેલ થશે. પ્રધાનમંત્રીની સુરક્ષાને ધ્યાનમાં રાખીને આસપાસના વિસ્તારમાં અભેદ્ય સુરક્ષા ઊભી કરવામાં આવશે. 

તંત્ર ઠાકુર બાંકે બિહારીની નગરીમાં ભીડને કાબૂમાં રાખી શકે તેમ નથી. કાર્તિક મહિનાની દેવોત્થાન અગિયારસના દિવસે લાખો શ્રદ્ધાળુઓ મથુરા-વૃંદાવન-છટીકરા ત્રણ વનની પરિક્રમા કરે છે. આ પરિક્રમા રાત્રે શરૂ થશે અને પરિક્રમા માર્ગની સાથે સાથે બાંકે બિહારી મંદિરમાં પણ દર્શનાર્થીઓની ભીડ હશે.  પ્રધાનમંત્રી બાંકે બિહારીના દર્શને જવાના હોવાથી શ્રદ્ધાળુઓ દર્શન કરવા નહીં જઈ શકે. 

શ્રદ્ધાળુઓના પ્રવેશ પર પ્રતિબંધ
પ્રધાનમંત્રીની સુરક્ષાને ધ્યાનમાં રાખીને મંદિરની સાથે સાથે પરિક્રમા માર્ગમાં પણ શ્રદ્ધાળુઓના પ્રવેશ પર પ્રતિબંધ મુકવો પડશે. જેથી શ્રદ્ધાળુઓ ત્રણ વનની પરિક્રમા નહીં કરી શકે.