યુપી / શખ્સે કોદાળી મારીને 3 વર્ષના છોકરાને મારી નાખ્યો, રાતે ખેતરમાં દફનાવી લાશ, કારણ ચોંકાવનારુ

• યુપીના હસનગંજમાં બની ભારે ચોંકાવનારી ઘટના
• પતિ બન્યો 3 વર્ષના છોકરાનો હત્યારો
• પત્ની સાથે ઝગડો થતા ઉશ્કેરાયો
• પાવડો મારીને 3 વર્ષના છોકરાની હત્યા કરી 

યુપીના હસનગંજમાં એક કાળજું કંપાવતી ઘટના બની છે. સામાન્ય બાબતે ઉશ્કેરાયેલા એક શખ્સે તેના 3 વર્ષના ફૂલ જેવા છોકરાની હત્યા કરી નાખી હતી. હુસૈનગંજ પોલીસ સ્ટેશન હેઠળના ચિતિસાપુર ગામના ચંદ્ર કિશોર લોધીએ કોદાળી વડે તેના પુત્રની હત્યા કરી હતી. સર્કલ ઓફિસર (સીઓ) વીરસિંહે જણાવ્યું કે ચંદ્ર કિશોરની બુધવારે રાત્રે તેની પત્ની સાથે ઝગડો થયો હતો આથી તે ઉશ્કેરાયો હતો અને બાજુમાં પડેલી કોદાળી ઉઠાવીને 3 વર્ષના છોકરાને મારી હતી જેમાં તેનું મોત થયું હતું. 

Man kills 3-year-old son in fit of rage following argument with wife in UP's Hussainganj: Police

— Press Trust of India (@PTI_News) January 26, 2023

લાશ રાતે ખેતરમાં લઈ જઈને દફનાવી દીધી 
પોલીસ અધિકારીરએ કહ્યું કે 3 વર્ષના પુત્રની હત્યા બાદ આરોપી પિતા તેની લાશમાં રાતે ખેતરમાં લઈ ગયો હતો અને 
ત્યાં જ દફનાવી દીધી હતી. આરોપીની પત્નીએ ગુરુવારે પોલીસને આ ઘટનાની જાણ કરી હતી. તેની ફરિયાદના આધારે, પોલીસે લાશને બહાર કાઢી હતી અને કિશોરની ધરપકડ કરી હતી.

પત્ની સાથે ઝગડો થતા ભર્યું પગલું
આરોપી કિશોર અને તેની પત્ની વચ્ચે બોલાચાલી થઈ હતી જે પછી તેણે મગજ પરનો કાબુ ગુમાવ્યો હતો અને આવી જધન્ય ઘટનાને અંજામ આપ્યો હતો. આ ઘટના બાદ સમગ્ર પંથકમાં ભારે અરેરાટી વ્યાપી છે. લોકો મૃતક છોકરા સાથે સહાનુભૂતિ દર્શાવી રહ્યાં છે. 

લખનઉમાં 35 વર્ષીય યુવાને ચાર બાળકોને કેનાલમાં ફેંક્યાં
હજુ એક દિવસ પહેલા લખનઉમાં પણ ભયાનક ઘટના બની હતી. લખનઉમાં એક 35 વર્ષીય શખ્સે પત્ની સાથે ઝગડો થતા તેના ચાર બાળકોને કેનાલમાં ફેંકી દીધા હતા. પરંતુ આ ઘટનામાં તો તેની 12 વર્ષની પુત્રીએ ભારે સાહસનું કામ કરી દેખાડ્યું હતું. પુત્રીએ જાતે તરીને તેના બે ભાઈઓને બચાવી લીધા હતા જોકે બીજા બે લાપત્તા છે.