પ.બંગાળ / ચૂંટણીના મતદાન વચ્ચે ભાજપના નેતાનો મોટો દાવો- 'મમતા બેનર્જીએ મને ફોન કર્યો અને કહ્યું કે...'

• પ્રલય પાલ નંદીગ્રામ ભાજપ જિલ્લા ઉપાધ્યક્ષ
• મમતાએ નંદીગ્રામ જીતવા મારી મદદ માંગી-પ્રલય પાલ
• ઘટનાનો ઓડિયો વાયરલ
• ટીએમસીએ વાયરલ ઓડિયોને નકલી ગણાવ્યો 

Massive! Mamata Banerjee calls Proloy Pal, BJP’s district Vice President in Nandigram and pleads for help!

Proloy tells her that he was humiliated in TMC and he along with this family cannot betray the BJP.

Pishi is definitely losing Nandigram and TMC Bengal...#AmarVoteBJPKe pic.twitter.com/EqKEwvsy3Z

— Amit Malviya (@amitmalviya) March 27, 2021

સીએમ મમતા બેનરજી આ વખતે નંદીગ્રામ બેઠક પરથી ચૂંટણી લડી રહ્યાં છે. ભાજપ દ્વારા જારી કરાયેલા વીડિયોમાં પ્રલય પાલે એવો દાવો કર્યો છે કે મમતાએ શનિવારે સવારે મને ફોન કર્યો અને મને કહ્યું કે નંદીગ્રામ બેઠક જીતવામાં તેમને મારી મદદ જોઈએ છે. 

ભાજપ સાથે કદી પણ દગાબાજી ન કરી શકું-પ્રલય પાલ

પ્રલય પાલે આગળ જણાવ્યું કે મમતાએ એવી પણ ઈચ્છા વ્યક્ત કરી કે મારે ટીએમસીમાં પાછા આવવું જોઈએ અને પાર્ટી માટે કામ કરવું જોઈએ.પરંતુ મેં કહ્યું કે હું ઘણા લાંબા સમયથી સુવેન્દુ અધિકારી અને અધિકારી પરિવાર સાથે જોડાયેલો છું અને હવે ભાજપ માટે કામ કરી રહ્યો છું. વીડિયોમાં ભાજપ નેતાએ કહ્યું કે ડાબેરીના શાસન દરમિયાન જ્યારે સીપીઆઈ(એમ) નંદીગ્રામના લોકોને યાતના આપી રહી છે ત્યારે અધિકારી પરિવાર જ અમારી પડખે ઊભો રહ્યો હતો. હું કદી પણ તેમને દગો ન આપી શકું અને આવું કરવામાં મારામાં હિંમત પણ નથી. મેં મમતા બેનરજીએ કહી દીધું હતું કે ટીએમસીએ નંદીગ્રામના સ્થાનિકોને કદી પણ તેમના અધિકારો આપ્યા નથી. હું ભાજપની સેવા કરવાનું ચાલુ રાખીશ. પાલે એવું પણ વચન આપ્યું કે હું નંદીગ્રામ બેઠક પરથી સુવેન્દુ અધિકારીને જીતાડીને જ જંપીશ. 

આ કથિત વાતચીતનો ઓડિયો વાયરલ થયો હતો. ભાજપ નેતા અમિત માલવીયાએ ટ્વિટ કરીને જણાવ્યું કે અદ્દભૂત, મમતા બેનરજી નંદીગ્રામ ભાજપ જિલ્લા ઉપાધ્યક્ષ પ્રલય પાલને ફોન કરીને મદદની આજીજી કરી રહ્યાં છે. પાલે બેનરજીને જણાવી દીધું હતું કે ટીએમસીમાં તેમનું અપમાન થયું હતું અને હું કે મારો પરિવાર ભાજપને દગો ન આપી શકીએ. આ દરમિયાન ટીએમસીએ આ ઓડિયો નકલી હોવાનું જણાવ્યું છે. ટીએમસી પ્રવક્તાએ જણાવ્યું કે ઓડિયોમાં મમતા બેનરજીનો અવાજ નથી. તેમના અવાજની નકલ કરાઈ છે.