સુરેન્દ્રનગરનાં ગેંગ માફિયા સામે બોટાદ પોલીસે કાર્યવાહી હાથ ધરી છે. જેમાં સુરેન્દ્રનગરનાં મહાવીર સિંધવનું બિશ્નોય ગેંગ સાથે કનેક્શન સામે આવ્યું છે. પોલીસ દ્વારા તમામ આરોપીઓ સામે ગુજસીટોકનો ગુનોં નોંધી આગળની કાર્યવાહી હાથ ધરી છે.
Share
ગેંગ સામે ગુજસીટોક હેઠળ કાર્યવાહી
ગેંગના વધુ એક સભ્યની ધરપકડ કરાઈ
કુલ 30 ગુનામાં સંડોવાયેલો છે આરોપી
સુરેન્દ્રનગરમાં ગેંગ માફિયા સામે બોટાદ પોલીસે કાર્યવાહી કરી છે. સુરેન્દ્રનગરમાં મહાવીર સિંધવનું બિશ્નોય ગેંગ સાથે કનેક્શન સામે આવ્યું છે. જે બાદ બોટાદ પોલીસ એક્શન મોડમાં આવી મહાવીર સિંધવ સામે ગુનો નોંધી તેની સામે પગલા ભર્યા છે. તેમજ ડ્રગ્સ કેસમાં સુરેન્દ્રનગર પોલીસે ફરી તપાસ કરી છે. તેમજ ગુજસીટોકનો ગુનો નોંધી કડક કાર્યવાહી હાથ ધરી છે.
હત્યા, ખંડણી સહિત કુલ 30 ગુનામાં સંડોવાયેલો છે આરોપી
બોટાદમાં મહાવીર સિંધવ ગેંગ સામે ગુજસીટોક હેઠળ પોલીસે કાર્યવાહી હાથ ધરી છે. ગેંગનાં વધુ એક સભ્યની ઉત્તર પ્રદેશમાંથી ધરપકડ કરાઈ છે. સુરેન્દ્રનગર, બોટાદ સહિત શહેરોમાં ગુનાહિત પ્રવૃતિમાં આરોપી સંડોવાયેલ છે. મહાવીર સિંધવ સામે હત્યા, ખંડણી સહિત કુલ 30 ગુનામાં આરોપી સંડોવાયેલો છે. ગેંગનો સભ્ય મયુરસિંહ ડોડીયાની પોલીસે ધરપકડ કરી છે. અગાઉ પોલીસે ત્રણ આરોપીઓની ધરપકડ કરી હતી. સુરેન્દ્રનગર પોલીસની કાર્યવાહી સામે હાલ અનેક સવાલો ઉભા થયા છે.
તમામ વિરૂદ્ધ ગુજસીટોક હેઠળ ગુનો નોંધવામાં આવ્યોઃ પોલીસ
આ બાબતે પોલીસે જણાવ્યું હતું કે, તપાસ દરમ્યાન જાણવા મળેલ કે મહાવીર સિંધવ તેમજ તેમની સાથેનાં અન્ય આરોપીઓ ભરત કમેજીયા, જાવેદ ઉર્ફે ટકો જાંગડ, મયુર ડોડિયા અને રોશન શર્મા આ તમામ એક ઓર્ગેનાઈઝ ક્રાઈમ સિન્ડીકેટ બનાવી બોટાદ તથા સુરેન્દ્રનગર જીલ્લામાં ખૂનની કોશિષ, ખંડણી, આર્મ્સ એક્ટ તેમજ અન્ય ગુનાઓ મળી કુલ 30 ગુનાઓ નોંધાયેલા છે. જેથી આ તમામ વિરૂદ્ધ ગુજસીટોક હેઠળ ગુનો નોંધવામાં આવ્યો છે. હાલ ત્રણ આરોપીઓ જ્યુડીશીયલ કસ્ટડીમાં છે. જ્યારે એક આરોપી મયુરસિંહ ડોડિયાની બોટાદ જીલ્લા પોલીસની ટીમે ધરપકડ કરી છે. રોશન શર્મા જે યુપી રહે છે તેને પકડવા માટે બોટાદ જીલ્લા પોલીસે કાર્યવાહી હાથ ધરી છે.
