કોવિડ 19 / આ રાજ્યમાં ઉલ્ટી ગંગા! એક તરફ હોસ્પિટલ હાઉસફૂલ તો બીજી તરફ 20 દર્દી કોવિડ કેર સેન્ટરમાંથી ફરાર

• કોરોનાના કેસ સતત વધી રહ્યા છે 
• કોરોના કેસની સંખ્યામાં ટોચ પર આવતા મહારાષ્ટ્રની ઘટના 
• યવતમાલ જિલ્લાના કોવિડ કેર સેન્ટરમાં બની ઘટના

કોવિડ -19 ના 20 દર્દીઓ મહારાષ્ટ્રના યવતમાલ જિલ્લાના એક કોરોના કેર સેન્ટરમાંથી છટકી ગયા છે. સ્થાનિક આરોગ્ય અધિકારી ડો.સંજય પુરામે જણાવ્યું હતું કે, આ ઘટના શનિવારે ઘાટનજી તાલુકાના એક છાત્રાલયમાં બનાવવામાં આવેલા કોવિડ -19 કેર સેન્ટરમાં બની હતી.

મહારાષ્ટ્રના યવતમાલમાં બની ઘટના 

કોવિડ -19 ના 20 દર્દીઓ મહારાષ્ટ્રના યાવતમાલ જિલ્લાના એક કેર સેન્ટરમાંથી છટકી ગયા છે. સ્થાનિક આરોગ્ય અધિકારી ડો.સંજય પુરામે જણાવ્યું હતું કે, આ ઘટના શનિવારે ઘાટનજી તાલુકાના એક છાત્રાલયમાં બનાવવામાં આવેલા કોવિડ -19 કેર સેન્ટરમાં બની હતી. તેમણે કહ્યું કે આરોગ્ય અધિકારીઓએ નોંધાવેલી ફરિયાદ મુજબ, ઘાટનજી પોલીસે સંબંધિત કલમો હેઠળ 20 દર્દીઓ વિરુદ્ધ એફઆઈઆર નોંધી છે. પુરામે જણાવ્યું કે શુક્રવારે કોવિડ -19 ટેસ્ટિંગ કેમ્પ જિલ્લાના અમાડી ગામમાં લગાવવામાં આવ્યું હતું.

બાદમાં ગામના 19 લોકોને કોરોના વાયરસથી ચેપ લાગ્યો હતો અને તેમને ઘાટનજીના કોવિડ -19 કેર સેન્ટરમાં દાખલ કરવામાં આવ્યા હતા. તેમણે જણાવ્યું કે આ તમામ 19 દર્દીઓ અને બીજો દર્દી શનિવારે સવારે આઠ વાગ્યે કેર સેન્ટરમાંથી છટકી ગયો હતો. યવતમાલ જિલ્લા કલેકટર અમોલ યેડગેએ આ ઘટના અંગે ચિંતા વ્યક્ત કરી છે.

કોવિડ દર્દીઓની સામે કાર્યવાહી કરવામાં આવશે 

તેમણે કહ્યું, જો દર્દીઓનું આ જ વલણ ચાલુ રહેશે તો જિલ્લામાં ચેપના કિસ્સા વધશે. ફરાર થયેલા દર્દીઓ સામે ફોજદારી કાર્યવાહી કરવા સુચના અપાઇ છે. કોરોના કેસના વધારાની વચ્ચે આવી ઘટનાઓ કોરોના સંક્રમણ ફેલાવવામાં વધુ જવાબદાર બનશે.