ચેતજો / સીગારેટ ન પીવા વાળા લોકોને પણ થઈ શકે છે ફેફસાંનું કેન્સર, સૌથી મોટા રિસ્ક ફેક્ટરને ન કરતાં નજર અંદાજ

• ફેફસાંના કેન્સરના કારણે સૌથી વધુ દર્દીઓના મોત
• કોરોનાના દર્દીઓના ફેફસાંને સૌથી વધુ અસર
• ધૂમ્રપાન ના કરવા છતાં પણ થઈ શકે છે કેન્સર

WHO રિપોર્ટ અનુસાર ફેફસાંના કેન્સરના કારણે સૌથી વધુ દર્દીઓના મોત થાય છે. ફેફસાંના કેન્સરને કારણે 22 લાખ લોકોના મોત થયા છે. ફેફસાંનું કેન્સર ગંભીર સમસ્યા બની રહી છે, આ કારણોસર આ કેન્સર વિશે જાગૃતતા લાવવી જરૂરી છે. કોરોનાથી ડાયરેક્ટ ફેફસાં ઈન્ફેક્ટેડ થવાને કારણે કોરોનાના દર્દીઓના ફેફસાંને સૌથી વધુ અસર થાય છે. ફેફસાંનું કેન્સર કયા કારણોસર થાય છે, તે અંગે અહીંયા જણાવવામાં આવ્યું છે. 

ફેફસાંના કેન્સરના કારણ?

• સીગારેટ, બીડી તથા તમાકુને કારણે ફેફસાંનું કેન્સર થાય છે.
• વાયુ પ્રદુષણ અને તમાકુના કારણે ફેફસાંનું કેન્સર થવાની સંભાવના છે.
• સીગારેટ પીતી વ્યક્તિની આસપાસ ઊભા રહેવાને કારણે ફેંફસાનું કેન્સર થઈ શકે છે.
• હવામાન અને તાપમાનમાં ફેરફાર થતા શ્વસન સંબંધિત બિમારી થઈ શકે છે
• જેનેટીક કારણ

ધૂમ્રપાન વગર પણ ફેફસાંનું કેન્સર થઈ શકે છે
સીગારેટ પીવાથી ફેફસાંના કેન્સરનું જોખમ વધી જાય છે. ધૂમ્રપાન બંધ કરે તેમને ફેફસાંનું કેન્સર થવાનું જોખમ ઓછું રહે છે. ધૂમ્રપાન ના કરતા હોય તેમને પણ ફેફસાંનું કેન્સર થઈ શકે છે. વિશ્વમાં 99 ટકા લોકોને ખરાબ વાયુ ગુણવત્તાને કારણે ફેફસાનું કેન્સર થાય છે. ધૂમ્રપાન તથા સીગારેટના ધુમાડાના સંપર્કમાં આવવાથી ફેફસાંનું કેન્સર થઈ શકે છે. રેડોન, વાયુ પ્રદૂષણ અને ફેમિલી હિસ્ટ્રીના કારણે ફેફસાંનું કેન્સર થઈ શકે છે. 

ફેફસાંના કેન્સરના લક્ષણ

• હંમેશા થાક લાગવો
• વારંવાર ખાસી આવવી
• ખાંસીની સાથે લોહી અને છાતીમાં દુખાવો
• ગભરામણ થવી, શ્વાસ લેવામાં તકલીફ થવી

ફેફસાંના કેન્સરથી બચવાના ઉપાય

• પેસિવ સ્મોકિંગથી દૂર રહેવું
• ગાડીમાંથી નીકળતા ધુમાડા અને વાયુ પ્રદૂષણથી દૂર રહેવું
• ઘરમાં રેડોન પરીક્ષણ કરાવવું

 (Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)