લમ્પી વાયરસ / ગુજરાતના વધુ એક જિલ્લામાં લમ્પી વાયરસનો ભરડો! એક સામટા 30 પશુઓમાં લક્ષણો જોવા મળતા હડકંપ

• આણંદ જિલ્લામાં લમ્પી વાયરસનો કહેર
• બોરસદ,ખંભાત,પેટલાદના 30 પશુઓમાં લમ્પીના લક્ષણો 
• તમામ પશુઓના સેમ્પલ લઈ તપાસ અર્થે મોકલવામાં આવ્યા 

રાજ્યમાં વધતા જતાં લમ્પી વાયરસનો કહેર હવે આણંદ જિલ્લામાં સામે આવ્યો છે. પ્રાથમિક વિગતો મુજબ 30 થી વધુ પશુઓમાં લમ્પી શંકાસ્પદ લક્ષણો દેખાયા છે. જેમાં બોરસદ, ખંભાત, પેટલાદના 30 પશુઓમાં લમ્પી લક્ષણો દેખાયા છે. જોકે મહત્વની વાત તો એ છે કે, જિલ્લામાં હજી 6 માસ પૂર્વે જ પશુઓનું રસીકરણ કરાયું હતું. આ તરફ હવે બોરસદમાં 10, પેટલાદમાં 11 અને ખંભાતમાં 9 પશુઓ શંકાસ્પદ લક્ષણો જણાતાં તમામ પશુઓના સેમ્પલ લઈ તપાસ અર્થે મોકલવામાં આવ્યા છે. 

ગુજરાતમાં ધીરે ધીરે લમ્પી વાયરસ પગપેસારો કરી રહ્યો છે. અત્યાર સુધી અને જિલ્લાઓમાં આ વાયરસ ફેલાય બાદ હવે આણંદ જિલ્લામાં લમ્પી વાયરસનો કહેર જોવા મળ્યો છે. આણંદ પંથકમાં બોરસદ, ખંભાત, પેટલાદના 30 પશુઓમા લમ્પી વાયરસના શંકાસ્પદ લક્ષણ દેખાયા છે. જેમાં બોરસદના 10, પેટલાદમાં 11, ખંભાતના 9 પશુઓમાં શંકાસ્પદ લક્ષણ જોવા મળતાં તમામ પશુઓના સેમ્પલ લઈ તપાસ અર્થે મોકલાયા છે. 

ગુજરાતમાં ધીરે ધીરે લમ્પી વાયરસ પગપેસારો કરી રહ્યો છે.  લમ્પી વાયરસનો કહેર વધતા પશુપાલકોમાં ફફડાટ ફેલાયો છે. ગઇકાલના આંકડા મુજબ રાજ્યમાં  54 હજાર 161 પશુઓ અસરગ્રસ્ત થયા છે. લમ્પી વાયરસને કારણે 1 હજાર 431 પશુઓના મૃત્યુ થયા છે..લમ્પી વાયરસને રોકવા માટે રાજ્યમાં કુલ 8 લાખ 17 હજાર પશુઓનું વેક્સિનેશન કરવામાં આવ્યું છે.  લમ્પી વાયરસનો સૌથી વધુ કહેર કચ્છ જિલ્લામાં જોવા મળ્યો છે..કચ્છ જિલ્લામાં 37 હજાર 414 પશુઓ અસરગ્રસ્ત થયા છે.  તો બીજી તરફ તંત્ર દ્વારા પશુઓેમાં રસીકરણની કામગીરી હાથ ધરવામાં આવી છે. 

જાણો લમ્પી વાયરસ શું છે?

• લમ્પી વાયરસમાં પશુઓમાં જોવા મળે છે.
• લમ્પી સ્કીન ડિસીઝ વાયરસ જન્ય રોગ છે.
• મચ્છર,માખી ઇતરડી કે રોગિષ્ઠ પશુ સાથેના સીધા સંપર્કથી ફેલાવો થાય છે.
• દુષિત ખોરાક કે પાણીથી પણ ફેલાય છે લમ્પી વાયરસ.
• વાયરસ દાખલ થયાના એક અઠવાડિયાની અંદર રોગના ચિન્હો જોવા મળે છે.
• પશુને તાવ આવે, પશુ ખાવાનું ઓછું કરે અથવા તો સંપૂર્ણ બંધ કરી દે છે.
• ચામડી પર ફોડલા જેવા ગઠ્ઠા થાય છે.
• પશુઓની દૂધ ઉત્પાદન ક્ષમતા પર અસર થાય છે.
• રોગચાળો ફેલાવવાનો દર માત્ર 10થી 20 ટકા છે.
• પશુઓનો મૃત્યુ દર ખૂબ જ ઓછો 1થી 2 ટકા છે.
• આ રોગ પશુઓમાંથી મનુષ્યમાં ફેલાતો નથી.

લમ્પી વાયરસથી પશુઓને બચાવવા શું કરવું જોઇએ?

• બીમાર પશુઓને સ્વસ્થ પશુઓથી તાત્કાલિક અલગ કરવા જોઇએ.
• પશુઓની રહેઠાણની જગ્યા સ્વચ્છ રાખવી જોઇએ.
• પશુઓના રહેઠાણને માખી,મચ્છર અને ઇતરડીનો ઉપદ્રવ અટકાવવો જોઇએ.
• લમ્પી રોગ તંદુરસ્ત પશુઓમાં ન આવે એટલા માટે તંદુરસ્ત પશુઓમાં રસીકરણ કરવું.
• પશુપાલકે ટોલ ફ્રી નંબર 1962 પર સંપર્ક કરવો જોઇએ.
• રોગગ્રસ્ત વિસ્તારથી પશુઓનું સ્થળાંતર બંધ કરવું.
• પશુઓના ખોરાક,પાણી અને માવજત અલગથી કરવી.
• પશુઓ રોગપ્રતિકારક શક્તિને લીધે 2થી 3 અઠવાડિયા સુધીમાં સ્વસ્થ થાય છે.