હાંશકારો / LPG Price: મોંઘવારીથી રાહત... કોમર્શિયલ ગેસના બાટલાના ભાવમાં આટલા રૂપિયાનો ઘટાડો, પહેલી જાન્યુઆરી પહેલાં જ લેવાયો નિર્ણય

• LPG સિલિન્ડરના ભાવમાં ઘટાડો 
• 39.50 રૂપિયા સસ્તો થયો ગેસ 
• કોમર્શિયલ ગેસ સિલિન્ડના ભાવમાં થયો ઘટાડો 

એલપીજી સિલિન્ડરના ભાવમાં 1 જાન્યુઆરીથી પહેલા ઘટાડો થઈ ગયો છે. આજે એટલે કે 22 ડિસેમ્બરથી જ દિલ્હીથી લઈને પટના સુધી એલપીજી સિલિન્ડર 39.50 રૂપિયા સસ્તો થયો છે. આ ઘટાડો ફક્ત 19 કિલો વાળા કોમર્શિયલ સિલિન્ડરમાં થયો છે. જ્યારે ઘરેલુ સિલિન્ડરના રેટમાં કોઈ ફેરફાર નથી થયો. 

કેટલામાં મળશે કોમર્શિયલ ગેસ સિલિન્ડર? 
આજથી દિલ્હીમાં ઈન્ડિયન કોમર્શિયલ સિલિન્ડર 1757 રૂપિયામાં મળશે. તેના પહેલા 1796.50 રૂપિયામાં મળી રહ્યો હતો. કલકતામાં આ 19 કીલો વાળુ સિલિન્ડર હવે 1868.50 રૂપિયાનો થઈ ગયો છે. અત્યાર સુધી ડિસેમ્બરથી કાલ સુધી આ 1908 રૂપિયામાં વેચાઈ રહ્યો હતો. 

મુંબઈમાં આજ સિલિન્ડર 1749 રૂપિયાની જગ્યા પર 1710 રૂપિયામાં મળશે. ચેન્નાઈમાં આજથી એલપીજી સિલિન્ડર 39.50 રૂપિયા સસ્તો થઈને 1929 રૂપિયામાં વેચાશે. જણાવી દઈએ કે ડિસેમ્બરે કોમર્શિયલ એલપીજી સિલિન્ડરના રેટ વધ્યા હતા. તેના પહેલા 16 નવેમ્બર કરવાચોથના દિવસે જ 19 કિલો વાળા એલપીજી સિલિન્ડર 100 રૂપિયાથી વધારે મોંઘો થઈ ગયો હતો. 

ઘરેલુ એલપીજી સિલિન્ડરમાં કોઈ ફેરફાર નહી 
14.2 કિલો વાળા એલપીજી સિલિન્ડરના રેટમાં કોઈ ફેરફાર નથી થયો. 30 ઓગસ્ટ 2023એ ઘરેલુ એલપીજી સિલિન્ડરના ભાવ 200 રૂપિયા ઓછા થઈ ગયા હતા. ઈન્ડિયન ઓયલની વેબસાઈટ પર આપવામાં આવેલા અપડેટ અનુસાર આજે પણ 14.2 કિલો વાળા ઘરેલુ એલપીજી સિલિન્ડર 30 ઓગસ્ટ વાળા રેટ પર જ મળી રહ્યો છે.