ફરિયાદ / કળિયુગી બાપ! સુરતમાં પ્રેમીએ 7 હજારમાં બાળકીને વેચી મારી!, લિવિંગ પાર્ટનરને ચેતવતી સુરતની ઘટના

• સુરતના ગોડાદરામાં પ્રેમિકાને બાળકીને પ્રેમી વેચી ફરાર
• પ્રેમિકાથી જન્મેલી બાળકીને 7 હજારમાં વેચી પ્રેમી થયો ફરાર
• પ્રેમિકાએ પ્રેમી સામે ગોડાદરા પોલીસ સ્ટેશનમાં નોંધાવી ફરિયાદ

 ઉત્તર પ્રદેશ ખાતે સાસરીથી પ્રેમી સાથે ભાગીને આવેલી પરણીતા સુરત ખાતે તેના પ્રેમી સાથે રહેતી હતી. આ સમયગાળા દરમ્યાન પરણીતાને એક બાળકીનો જન્મ થયો હતો.  જે બાળકીને પરણીતાના પ્રેમીએ 7 હજારમાં વેચી ફરાર થઈ ગયો હતો. ત્યારે આ સમગ્ર મામલે પ્રેમિકાએ પ્રેમી સામે ગોડાદરા પોલીસ સ્ટેશને ફરિયાદ નોંધાવતા પોલીસે ગુનો દાખલ કરી આગળની કાર્યવાહી હાથ ધરી છે. 

સમગ્ર મામલે પોલીસે બળાત્કારનો ગુનો નોંધી આગળની તપાસ હાથ ધરી
આ સમગ્ર મામલે ગોડાદરા પોલીસે આરોપી દીપક ત્રિપાઠી અને જુનેદ શેખ સામે ગુનો દાખલ કર્યો છે. પ્રેમિકાને દીકરીનો જન્મ થતા આરોપી દીપકને તે પસંદ ન હતું. આરોપી દીપકે 7 હજારમાં જુનેદ શેખને બાળકી વેચી હતી. ત્યારે આ સમગ્ર મામલે પોલીસે બળાત્કારનો ગુનો નોંધી આગળની તપાસ હાથ ધરી છે. 

 વધુ વાંચોઃ  ગુજરાતના ડુંગળી પકવતા લાખો ખેડૂતો માટે મોદી સરકારનો મોટો નિર્ણય, આટલા લાખ ટન ડુંગળીની નિકાસને લીલીઝંડી

લગ્નની લાલચ આપી પરણીતાને ભગાડી લાવ્યો હતો
સુરતના લિંબાયત ખાતે રહેતી 28 વર્ષીય યુવતીનાં લગ્ન 2020 માં યુપી ખાતે થયા હતા. ત્યારે પતિને અન્ય સ્ત્રી સાથે આડા સબંધ હોઈ બંને વચ્ચે અવાર નવાર ઝઘડા થતા હતા. તે દરમ્યાન યુવતીની મિત્રતા સોશિયલ મીડિયા મારફતે દીપક ત્રિપાઠી સાથે મિત્રતા થઈ હતી. જે બાદ ડિસેમ્બર 2021 માં યુપીમાં પરણીતાએકલી હતી. તે સમયે દીપક ત્રિપાઠી તેનાં ઘરે આવ્યો હતો જે બાદ દીપક પરણીતાને લગ્ન કરવાની લાલચ આપી વિશ્વાસમાં લઈ પરણીતાને સાસરીમાંથી ભગાડી લઈ આવ્યો હતો.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો