Lunar Eclipse 2021 / થોડા દિવસમાં લાગશે સદીનું સૌથી લાંબુ ચંદ્રગ્રહણ, નોટ કરી લો તારીખ અને સમય

• 19 નવેમ્બરે આ સદીનું સૌથી લાંબુ ચંદ્રગ્રહણ 
• નાસા અનુસાર સાડા ત્રણ કલાક ચાલશે ગ્રહણ 
• ભારતના અમુક જ રાજ્યોમાં દેખાશે ગ્રહણ 

ભારતની પરંપરાઓમાં ગ્રહણને આગવું મહત્વ આપવામાં આવ્યું છે અને સૂર્ય ગ્રહણ તથા ચંદ્ર ગ્રહણનાં દિવસે જુદા જુદા રાજ્યોમાં અલગ અલગ માન્યતાઓ પ્રવર્તે છે ત્યારે બે સપ્તાહ પછી, 19 નવેમ્બરે ચંદ્ર પર ગ્રહણ થવા જઈ રહ્યું છે. નાસાએ કહ્યું કે આ ખગોળીય ઘટના સમયે ચંદ્રનો રંગ લાલ થઈ જશે અને ભારતના કેટલાક હિસાઓમાં પણ ગ્રહણ દેખાશે. 

આ વર્ષનો છેલ્લો ચંદ્રગ્રહણ 
આસામ અને અરુણાચલ પ્રદેશમાં ગ્રહણ દેખાઈ શકે છે. ઉત્તર અમેરિકાના લોકો એકદમ સ્પષ્ટપણે આ ગ્રહણ જોઈ જોઈ શકશે. આ સિવાય ઓસ્ટ્રેલીયા, પૂર્વ એશિયા અને યુરોપનાં ઉત્તરનાં ભાગમાં પણ લોકોને ચંદ્ર ગ્રહણ દેખાશે. 

સદીનો સૌથી લાંબો ચંદ્ર ગ્રહણ 
નાસા અનુસાર ચંદ્ર ગ્રહણ ત્રણ કલાકને 28 મિનિટ સુધી ચાલશે જે 2001 અને 2021 વચ્ચે કોઈ પણ ગ્રહણની તુલનામાં સૌથી લાંબો રહેશે. નાસાએ કહ્યું કે 21મી સદીમાં ચંદ્ર પર 228 વાર ગ્રહણ લાગશે.  

સૂતક નહીં લાગે 
19 નવેમ્બરે થનાર આ ચંદ્રગ્રહણ છાયા ચંદ્રગ્રહણ હશે. જ્યોતિષીય માન્યતાઓ અનુસાર, જ્યારે છાયા ચંદ્રગ્રહણ હોય ત્યારે સુતક કાળ માન્ય નથી. જ્યારે પૂર્ણ ચંદ્રગ્રહણ હોય ત્યારે જ સુતક કાળ માન્ય ગણાય છે. સુતકનો સમયગાળો સંપૂર્ણ ચંદ્રગ્રહણની શરૂઆતના 9 કલાક પહેલા શરૂ થાય છે.

ગ્રહણનો સમય: 
ભારતીય સમય અનુસાર 19મી નવેમ્બરે સવારે 11 વાગીને 34 મિનિટે ગ્રહણ લાગવાની શરૂઆત થશે જે 5 વાગીને 33 મિનિટ સુધી રહેશે