ઉદ્યોગકારો-કારીગરોનો મત / એક બાજુ ડાયમંડ બુર્સનું લોકાર્પણ, બીજી તરફ અમદાવાદમાં દિવાળી પછી હજુ નથી ખૂલ્યા હીરાના કારખાના, ઉદ્યોગકારોમાં હવે જાગી નવી આશા

• ડાયમંડ બુર્સના ઉદ્ઘાટનથી રત્ન કલાકારોમાં આશા 
• અમદાવાદ હીરા ઉદ્યોગ ફરી ધમધમવાની અપેક્ષા 
• ફરી રોજગારમાં વધારો થવાની આશા 
• VTV NEWSએ જાણ્યો હીરા ઉદ્યોગકારોનો મત

Ahmedabad News : સુરતમાં ડાયમંડ બુર્સના ઉદ્ઘાટનથી રત્ન કલાકારોમાં નવી આશા જાગી છે. વાત જાણે એમ છે કે, મંદીમાં સપડાયેલો હીરા ઉદ્યોગ ફરી ધમધમવાની અપેક્ષાઓ રત્નકલાકારો સેવી રહ્યા છે. મહત્વનું છે કે, દિવાળી બાદ અમદાવાદના હીરા કારખાના શરૂ નથી થયા. જોકે હવે ડાયમંડ બુર્સના ઉદ્ઘાટન બાદ જાન્યુઆરીમાં ફરી રોજગારમાં વધારો થવાની આશા છે. જેને લઈ VTV NEWSએ હીરા ઉદ્યોગકારોનો મત જાણ્યો હતો. 

PM મોદીએ આજે સુરતમાં ડાયમંડ બુર્સનું ઉદ્ઘાટન કર્યું છે. આ દરમિયાન  VTV NEWSની ટીમે અમદાવાદમાં હીરા કારખાનાના ઉદ્યોગકારો અને કારીગરોનો મત જાણ્યો હતો. એક ઉદ્યોગકારે કહ્યું કે, અમદાવાદમાં 400 કારખાનામાંથી માંડ 150 કારખાના કાર્યરત છે. અમદાવાદમાં ડાયમંડ ઉદ્યોગમાં 1.50 લાખ લોકો રોજગારી મેળવે છે. જોકે હવે ડાયમંડ બુર્સ ઓપનિંગ થતાં રત્નકલાકારો આશા બંધાઈ છે. 

સુરતમાં ડાયમંડ બુર્સનું ઓપનિંગ થયા બાદ હવે મંદીમાં સપડાયેલ ડાયમંડ ઉદ્યોગમાં આશા બંધાઈ છે. મહત્વનું છે કે, દિવાળી બાદ અમદાવાદમાં ડાયમંડ ઉદ્યોગમાં લાંબુ વેકેશન ચાલ્યું હતું. જોકે હવે લાંબા વેકેશન બાદ જાન્યુઆરી મહિનામાં રોજગાર પિક પકડે તેવી રત્નકલાકારોએ આશા સેવી છે. 

શું કહ્યું ઉદ્યોગકારે ? 
એક ઉદ્યોગકારે કહ્યું કે, હાલ અમદાવાદમાં 400 કારખાનામાંથી માંડ 150 જેટલા કારખાના કાર્યરત બન્યા છે. અમદાવાદમાં ડાયમંડ ઉદ્યોગમાં 1.50 લાખ લોકો રોજગારી મેળવે છે. હાલ પ્રત્યેક કાર્યરત બનેલા કારખાનામાં માંડ 50 ટકા લોકો કાર્યરત છે. તો 50 ટકા રત્નકલાકાર સાથે માંડ એવરેજ 10 થી 15 હજાર કામ કરે છે. હાલ એક કારખાનામાં બનતા 1 હજાર હીરા જાન્યુઆરીમાં 2 થી 3 હજાર હીરા બને તેવી આશા છે. જોકે આજ મુજબ મંદી રહેશે તો ડાયમંડ ઉદ્યોગ બંધ થઇ જશે. 

કારીગરો શું કહી રહ્યા છે ? 
અમદાવાદમાં દિવાળી બાદ અમદાવાદમાં ડાયમંડ ઉદ્યોગમાં લાંબુ વેકેશન ચાલ્યું હતું. જોકે હવે કારીગરો કહી રહ્યા છે કે, જાન્યુઆરી મહિનામાં પિક પકડે તો 20 હજાર રૂપિયા રોજગારી મળે. હાલ માંડ 10 હજારનું કામ થાય છે,પરિવારનું ગુજરાન પણ પૂરું થતું નથી. આ સાથે કહ્યું કે, પ્રત્યેક રત્નકલાકાર તેજી આશા અને નવી આશા સાથે કારખાનામાં આવે છે.