BIG NEWS / ચૂંટણી પહેલા CR પાટીલની મોટી કાર્યવાહી, AAPના CM સાથે ભાજપના નેતાએ ફોટો પોસ્ટ કર્યો હતો

Dhruv

Last Updated: 01:34 PM, 3 October 2022

FOLLOW ON

શેર કરો

ભાજપ નેતા કિશનસિંહ સોલંકીએ ભગવંત માન સાથે સોશિયલ મીડિયામાં ફોટો શેર કરતા તેઓને 6 વર્ષ માટે પક્ષમાંથી સસ્પેન્ડ કરી દેવામાં આવ્યા છે.

ચૂંટણી પહેલા C R પાટીલની મોટી કાર્યવાહી
પક્ષ વિરોધી પ્રવૃત્તિ કરવા બદલ ભાજપ નેતા સસ્પેન્ડ
કિશનસિંહ સોલંકીને પક્ષમાંથી 6 વર્ષ માટે સસ્પેન્ડ કરાયા

ગુજરાત વિધાનસભાની ચૂંટણી હવે નજીક આવી રહી છે. એ પહેલા ભાજપ પ્રદેશ પ્રમુખ CR પાટીલ દ્વારા મોટી કાર્યવાહી કરવામાં આવી છે. CR પાટીલના આદેશ બાદ ભાજપ નેતા કિશનસિંહ સોલંકીને સસ્પેન્ડ કરવામાં આવ્યા છે. પક્ષ વિરોધી પ્રવૃત્તિ કરવા બદલ ભાજપે કિશનસિંહ સોલંકીને પક્ષમાંથી 6 વર્ષ માટે સસ્પેન્ડ કરી દીધા છે. ઉલ્લેખનીય છે કે, સોશિયલ મીડિયામાં AAPના ભગવંત માન સાથે તેઓએ ફોટો મૂક્યો હતો.

AAPએ શું કહ્યું?

સામે પક્ષે AAPના નેતાઓએ કહ્યું હતું કે જાહેર જીવનમાં પ્રસંગ હોય તેવા સમયે નેતાઓ એકબીજાને શુભકામના પાઠવતા હોય છે. આવામાં ભાજપના નેતા કિશનસિંહ સોલંકીએ માત્ર ભગવંત માનને શુભેચ્છા પાઠવીને ફોટો શેર કર્યો હતો. તેમણે કહ્યું હતું કે આટલી નાની વાતમાં ભાજપ જો પોતાના નેતાને સસ્પેન્ડ કરી દેતી હોય તે તો બહુ કહેવાય.

ભાજપે શું કહ્યું?

તો આ બાજુ ભાજપના યજ્ઞેશ દવેએ કહ્યું હતું કે પક્ષના કોઈ પણ નેતા શિસ્તની બહાર જાય છે તો તેના પર કાર્યવાહી કરવામાં આવતી જ હોય છે. આ કાર્યવાહી પણ તેના આધારે જ કરાઈ છે. આપના નેતાઓ શું કહે છે તેના પર અમે પ્રતિક્રિયા આપવા બંધાયેલ નથી.

સંકળાયેલા મુદ્દાઓ

CR patil Kishan Singh Solanki kishansinh solanki kishansinh solanki suspend કિશનસિંહ સોલંકી Kishansinh Solanki suspend