ધરપકડ / કરવાચૌથના દિવસે પત્નીએ પોલીસને ફોન કરી પતિને જેલહવાલે કર્યો, કારણ જાણી ચોંકી જશો

Premal

Last Updated: 12:40 PM, 25 October 2021

FOLLOW ON

શેર કરો

હત્યાનો ફરાર આરોપી કરવાચૌથ પર પત્નીને મળવા માટે પોતાના ઘરે પહોંચ્યો. યુવકની પત્નીએ ફોન કરીને તેનો પતિ ઘરે આવ્યો હોવાની સુચના પોલીસને આપી. ઘટનાસ્થળે પહોંચેલી નજફગઢ પોલીસ સ્ટેશનના અધિકારીઓએ આરોપીની ધરપકડ કરી.

કરવાચૌથના દિવસે પતિ પત્નીને મળવા ઘરે આવ્યો
પત્નીએ પોલીસ સ્ટેશનમાં કર્યો ફોન, કહ્યું- મારા પતિની કરો ધરપકડ
પોલીસે પતિની તેના ઘરેથી કરી ધરપકડ, હથિયારો કર્યા જપ્ત

દુકાનમાં માતા-પુત્રીને ગોળી મારવામાં આવી

પોલીસ અધિકારીએ જણાવ્યું કે, 19 ઓક્ટોબરે સવારે નજફગઢના રામ બજારમાં એક દુકાનની અંદર માતા-પુત્રીને ગોળી મારવામાં આવી હતી. આ ઘટનામાં વૃદ્ધ માતાનું મોત નિપજ્યુ હતુ. જ્યારે પુત્રીની સારવાર હજી ચાલી રહી છે. પોલીસે આ મામલે હત્યાનો કેસ નોંધી તપાસ શરૂ કરી છે. તપાસ દરમ્યાન આરોપી રાજીવ ગુલાટીની ઓળખ કરી અને તેને શોધવા માટે પંજાબ, હરિયાણા, દિલ્હી સહિત ઘણાં સ્થાનો પર તપાસ કરવામાં આવી. તેમ છતાં આરોપી ફરાર થયો હતો.

કરવાચૌથના દિવસે પત્નીએ પતિને પોલીસને સોંપ્યો

રવિવારે કરવાચૌથ હોવાથી આરોપી પત્નીને મળવા માટે પોતાના ઘરે ગયો હતો. પતિ ઘરે આવતા જ પત્નીએ પોલીસને ફોન કરી જણાવ્યું કે હત્યા કેસમાં તેનો પતિ ફરાર હતો. અત્યારે તે ઘરે આવ્યો છે અને પોલીસ હવે તેની ધરપકડ કરી લે. પોલીસે આરોપી રાજીવની તેના ઘરમાંથી ધરપકડ કરી. પોલીસે રાજીવ પાસેથી હત્યામાં વપરાયેલા હથિયારો જપ્ત કર્યા છે. પોલીસના જણાવ્યાં મુજબ, આ મામલે હવે વધુ તપાસ હાથ ધરવામાં આવી છે.

આરોપી અને પીડિત પરિવાર વચ્ચે મિલકત અંગે થયો હતો વિવાદ

મહત્વનું છે કે, રાજીવ ગુલાટી અને પીડિત પરિવારનો મિલકતને લઇ વિવાદ ચાલતો હતો. ત્યારબાદ આરોપીએ પીડિત પરિવાર પાસેથી બે લાખ રૂપિયા ઉધાર પણ લીધા હતા. પીડિત માતા-પુત્રીએ આરોપી પાસેથી ઘણી વખત પૈસા માંગ્યા હતા. જેને કારણે બંને વચ્ચે ઉગ્ર વાતચીત થઇ હતી. ત્યારબાદ રાજીવે 19 ઓક્ટોબરે સવારે વૃદ્ધ મહિલા અને તેની પુત્રીને ગોળી મારી દીધી. જેમાં માતાનું મોત થયુ. માતા અને પુત્રી અને આરોપી સંબંધીઓ હતા.

સંકળાયેલા મુદ્દાઓ

Crime Karwachauth Police murder Karwachauth