આસ્થા / Karwa Chauth 2023: પતિની લાંબી ઉંમર માટે કરવાના હોવ કરવા ચોથનું વ્રત તો ખાસ જાણી લેજો આ નિયમ, ફાયદાની જગ્યાએ થશે નુકસાન

• કારતક ચતુર્થીના દિવસે કરવા ચોથનું વ્રત રાખવામાં આવે છે
• કરવા ચોથના વ્રતના નિયમોનું પાલન કરવું જરૂરી
• નિયમોનું પાલન ના કરવાથી ગંભીર પરિણામ ભોગવવું પડી શકે છે

કારતક માસની કૃષ્ણપક્ષની ચતુર્થીના દિવસે કરવા ચોથનું વ્રત રાખવામાં આવે છે. આ વર્ષે 1 નવેમ્બર 2023ના રોજ કરવા ચોથ છે. અખંડ સૌભાગ્ય માટે કરવા ચોથના વ્રતને કઠિન માનવામાં આવે છે. આ દિવસે મહિલાઓ નિર્જળા વ્રત કરે છે. રાત્રે ચંદ્રોદય પછી અર્ધ્ય આપીને કરવા ચોથનું વ્રત કરવામાં આવે છે. આ વર્ષે કરવાચથના દિવસે ચંદ્રોદય રાત્રે 08:15 વાગ્યે થશે. કરવા ચોથના વ્રતમાં જે પણ નિયમો હોય તેનું પાલન કરવામાં આવે છે, નહીંતર ભૂલોનું ગંભીર પરિણામ ભોગવવું પડી શકે છે. 

કરવા ચોથ માટેના નિયમ

• કરવા ચોથના દિવસે નિર્જળા વ્રત કરવામાં આવે છે. આ કારણોસર મહિલાઓ આ દિવસે શ્રૃંગાર કરીને દુલ્હનની જેમ તૈયાર થાય છે. આ દિવસે કોઈપણ વ્યક્તિને સુહાગણનો સામાન ના આપવોય કરવા ચોથના દિવસે જે પણ સુહાગના સામાનનો ઉપયોગ કરવામાં આવે તેનું દાન કરી દેવું. 
• કરવા ચોથના દિવસે ચંદ્રના દર્શન કરવાનું વિશેષ મહત્ત્વ છે. ચંદ્રદર્શન કર્યા પછી ચંદ્રદેવને અર્ધ્ય આપ્યા પછી પારણા કરવામાં આવે છે. ચંદ્ર જોયા વગર કરવા ચોથનું વ્રત ના ખોલવું. કોઈ કારણવશ ચંદ્ર ના દેખાય તો જ્યોતિષ ઉપાય કરીને પૂજા  કરો અને અર્ધ્ય આપો, ત્યારપછી જ પારણા કરવા. 
• કરવા ચોથના દિવસે મહિલાઓએ દિવસે ઊંઘવું ના જોઈએ. વ્રત કરીને સૂવાને કારણે વ્રતનું ફળ પ્રાપ્ત થતું નથી અને નિષ્ફળ જાય છે તથા દોષ લાગે છે. બીમાર લોકો અને ગર્ભવતી મહિલાઓ આરામ કરી શકે છે. 
• કરવા ચોથનો દિવસ સુહાગનો દિવસ ગણવામાં આવે છે. આ દિવસે કાળા, વાદલી અને ભૂરા રંગના કપડા ના પહેરવા. આ રંગનો સંબંધ શનિદેવ સાથે હોય છે. આ દિવસે લાલ, ગુલાબી, પીળા અને લીલા રંગના કપડાં પહેરવા તે શુભ માનવામાં આવે છે. 
• કરવા ચોથના દિવસે આ વ્રતની કથા જરૂરથી સાંભળવી જોઈએ. આ દિવસે કથા સાંભળવામાં આવે તો વ્રતનું ફળ પ્રાપ્ત નથી. આ કારણોસર પૂજા કર્યા પછી કથા જરૂરથી સાંભળવી.