- સલમાન ખાનને Y+ કેટેગરીની સુરક્ષા.
- સિક્યોરિટી વધારવા બાબતે સલમાન ખાનનું નિવેદન.
- બોલિવુડ ક્વીને ભાઈજાનને કહ્યું નિશ્ચિત રહો.
બોલીવુડના ભાઈજાન તેમની ફિલ્મ ‘કિસી કા ભાઈ કિસી કી જાન’ને કારણે ચર્ચાનો વિષય બની ગયા છે. આ ફિલ્મે 100 કરોડનો આંકડો પાર કરી લીધી છે અને વૈશ્વિક સ્તરે 150 કરોડથી વધુની કમાણી કરી છે. સલમાન ખાનને સતત મારી નાખવાની ધમકીઓને પગલે એક ટીવી ઈન્ટરવ્યૂમાં જણાવ્યું છે કે, તેમણે Y+ કેટેગરીની સુરક્ષાનો પણ અનુભવ કરી લીધો છે. કંગના રનૌતે સલમાન ખાનને મળેલ સુરક્ષા બાબતે રિએક્શન આપ્યું છે.
સલમાન ખાનને Y+ કેટેગરીની સુરક્ષા
સલમાન ખાનને સતત મારી નાખવાની ધમકીઓને પગલે મુંબઈ પોલીસે ભાઈજાનને Y+ કેટેગરીની સુરક્ષા આપી છે. સલમાન ખાનને એક ધમકીભર્યો મેઈલ કરવામાં આવ્યો હતો કે, ત્યાર પછી મુંબઈ પોલીસે ભાઈજાનની સુરક્ષામાં વધારો કર્યો હતો. સલમાન ખાનના ફેન્સને પણ ગેલેક્સી એપાર્ટમેન્ટમાં તેમના ઘર અને ઓફિસની બહાર એકત્ર થવાની મંજૂરી આપવામાં આવી નહોતી.
સિક્યોરિટી વધારવા બાબતે સલમાન ખાનનું નિવેદન
સલમાન ખાને એક ટીવી શોમાં જણાવ્યું હતું કે, ‘અસુરક્ષાની સામે સુરક્ષા વધુ યોગ્ય છે. સિક્યોરિટી છે, રસ્તાઓ પર હવે સાયકલ લઈને જવું શક્ય નથી. જ્યારે હું ટ્રાફિકમાં હોઉં છું, ત્યારે એટલી હદે સુરક્ષા હોય છે કે, આ વાહન અન્ય લોકો માટે પરેશાની બની જાય છે. ત્યારે મારા ફેન્સ મને જોતા હોય છે. ગંભીર ધમકીને ધ્યાને લઈ કડક સુરક્ષા આપવામાં આવી છે. મારી આસપાસ મારા બોડીગાર્ડ શેરાની જેમ અન્ય શેરા પણ હોય છે. એટલી બધી બંદૂક હોય છે કે, તે જોઈને હું ખુદ ડરી જાઉં છું’
Y+ કેટેગરીની સુરક્ષા બાબતે કંગનાનું નિવેદન?
લોરેન્સ બિશ્નોઈ દ્વારા સતત મારી નાખવાની ધમકી આપવાતા ભાઈજાનને Y+ કેટેગરીની સુરક્ષા આપવામાં આવી છે. આ બાબતે કંગના રનૌતે નિવેદન આપ્યું છે કે, પ્રધાનમંત્રી નરેન્દ્ર મોદીના હાથમાં દેશની સુરક્ષા છે અને ડરવાની જરૂર નથી. અગાઉ કંગનાને પણ મારી નાખવાની ધમકી આપવામાં આવી હતી અને ત્યાર પછી સુરક્ષા પણ આપવામાં આવી હતી.
10 એપ્રિલના રોજ સલમાન ખાનને ધમકીભર્યો ફોન
મુંબઈ પોલીસે તાજેતરમાં નિવેદન આપ્યું હતું કે, 10 એપ્રિલના રોજ કંટ્રોલરૂમમાં ધમકીભર્યો ફોન આવ્યો હતો. મુંબઈ પોલીસે ખુલાસો કરતા જણાવ્યું છે કે, કોલ કરનાર વ્યક્તિ સગીર હતો. સલમાન ખાનને ધમકીભર્યો મેઈલ કરવાના આરોપસર 26 માર્ચના રોજ એક વ્યક્તિની ધરપકડ કરવામાં આવી હતી.
