લોકસભા ચૂંટણી 2024 / 'ઉમેદવારના ખાતામાં મત નખાવવા હોય તો પંપ બનીને કામ કરજો' જૂનાગઢમાં CR પાટીલે કાર્યકરોનો વધાર્યો ઉત્સાહ

લોકસભા ચૂંટણીની જાહેરાત થઇ ચુકી છે ત્યારે ગુજરાતમાં ત્રીજા તબક્કામાં મતદાન થવાનું છે. જેને લઇ કાર્યકરોમાં ઉત્સાહ વધારવા માટે ભાજપ પ્રદેશ પ્રમુખ સી.આર.પાટીલ રાજકોટ બાદ હવે જૂનાગઢના પ્રવાસે પહોચ્યા છે.

પક્ષ માટે કાર્યકરોના મહત્વને સમજાવ્યું

લોકસભા ચૂંટણીની જાહેરાત સાથે રાજ્યમાં રાજકીય માહોલ ગરમાયો છે. ભાજપને વડોદરાથી શરૂ થયેલો વિવાદ, રાજકોટ, સાબરકાંઠા સુધી પહોચ્યો છે. ત્યારે ભાજપ માટે જેટલુ મનાતુ હતુ તેટલુ 26 બેઠકો જીતવું આસાન હવે નથી લાગી રહ્યુ. આંતરિક જુથવાદ ચરમસીમાએ પહોચતા કાર્યકરોમાં તેની અસર જોવા મળી રહી છે ત્યારે પ્રદેશ ભાજપ અધ્યક્ષ સી.આર.પાટીલ કાર્યકરોમાં ઉત્સાહ વધારવા મેદાનમાં ઉતર્યા છે.

વિરોધીઓને જવાબ આપ્યો

પ્રદેશ ભાજપ અધ્યક્ષ સી.આર.પાટીલ આજે જુનાગઢના પ્રવાસે પહોચ્યા છે. જુનાગઢ શહેર કાર્યાલયના ઉદઘાટનમાં પાટીલે બુથ કાર્યકરોનો ઉત્સાહ વધાર્યો હતો. તેમણે કાર્યકરોનું મહત્વ પક્ષ માટે શું છે તે સમજાવ્યુ હતું. અને ટ્યૂબમાં હવા ભરવા માટે પંપ જોઇએ તેમ કાર્યકરો પક્ષ માટે મહત્વના છે. તેમણે કહ્યુ હતુ કે ભાજપના કાર્યકરો, બૂથ પ્રમુખ, પેજ સભ્યો ભાજપના પંપ છે. ઉમેદવારના ખાતામાં મત નખાવવા હોય તો એના માટે પંપ બનીને તમે જ મહેનત કરી શકો. કૃષ્ણ દ્રારકામાં રહેતા હતા પણ કેટલાંક વિરોધીઓ તેમાં વિશ્વાસ કરતા નહોંતા. મોદીએ બતાવ્યું કૃષ્ણની દ્રારકા નગરી આજે પણ અસ્તીત્વ ધરાવે છે.

આ પણ વાંચોઃ 'હું ગરીબ પરિવારની દીકરી છું, તંદુરસ્ત લોકશાહી ટકાવવા ઉદાહરણ પૂરું પાડીશ' - ગેનીબેન ઠાકોર

રાજકોટમાં કાર્યકરોને કરી હતી ટકોર

બે દિવસ પહેલા સી.આર.પાટલ રાજકોટ પહોચ્યા હતા. વીવીપી એન્જિનિયરિંગ કોલેજ ખાતે બેઠમાં પાટીલે ભાજપના કાર્યકર્તાઓને ટકોર કરી હતી. પાટીલે ગુડ મોર્નિંગ સહિતના મેસેજમાં સમયનો વેડફાટ ન કરવા કાર્યકરોને ટકોર કરી હતી. પાટીલે વધુમાં કહ્યુ હતુ કે, ભારતીય જનતા પાર્ટીના કાર્યકર્તાઓ પાસે ઘણું કામ છે. સહકાર, સંગઠન અને સરકારના ઘણા કામો છે. લોકોની વચ્ચે રહો અને મદદરૂપ બનો, સરકારની ઘણી યોજનાઓ અંગે માહિતી પહોંચાડવાના કામ કાર્યકરોએ કરવું જોઇએ. ભાજપનો કાર્યકર સેવાભાવી કાર્યકર છે. જનતાની વચ્ચે રહી મદદરૂપ બનવું જોઇએ. ભાજપ કાર્યકરે સરકારી યોજના પાછળનો હેતુ શું છે તે લોકો સુધી પહોંચાડવા જોઈએ. મોદી સરકારે 4 કરોડથી વધુ લોકોને પોતાનું પાકું ઘર અપાવ્યું છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો