World Cup 2023 / અમદાવાદમાં પગ મૂકતાં જ ભાવુક થયો જસપ્રીત બુમરાહ, કહ્યું ઘણા સમય પછી આવ્યો, સૌથી પહેલા મમ્મીને મળવા જઈશ...

• ODI વર્લ્ડ કપ 2023ની સૌથી વધુ રાહ જોવાતી મેચ આવતીકાલે રમાશે
• પાકિસ્તાન સામેની મેચ પહેલા તેની મા ને મળવા માંગે છે બુમરાહ
• મેં નરેન્દ્ર મોદી સ્ટેડિયમમાં વનડે મેચ રમી નથી પણ.. - બોલ્યો બુમરાહ

ODI વર્લ્ડ કપ 2023ની સૌથી વધુ રાહ જોવાતી મેચ આવતીકાલે રમાશે. અફઘાનિસ્તાન સામે શાનદાર જીત નોંધાવ્યા પછી ટીમ ઈન્ડિયા 14 ઓક્ટોબર શનિવારના રોજ અમદાવાદના નરેન્દ્ર મોદી સ્ટેડિયમમાં બાબર આઝમની આગેવાની હેઠળના પાકિસ્તાન સામે ટક્કર માટે તૈયાર છે.

🇮🇳💙 #CWC23 pic.twitter.com/6qiStKPfHx

— Jasprit Bumrah (@Jaspritbumrah93) October 11, 2023

પાકિસ્તાન સામેની મેચ પહેલા તેની મા ને મળવા માંગે છે બુમરાહ
જેમ જેમ મેચનો સમય નજીક આવી રહ્યો છે તેમ તેમ દરેકની નજર વિરાટ અને રોહિત જેવા બેટ્સમેન સહિત ટોચના ભારતીય ફાસ્ટ બોલર જસપ્રિત બુમરાહ પર પણ છે. બુમરાહે તેના વતન અમદાવાદમાં વાપસી કરી છે અને એક વાતચિત દરમિયાન તેને કહ્યું હતું કે તે પાકિસ્તાન સામેની મેચની તૈયારી કરતા પહેલા તેના પરિવાર અને તેની માતાને મળવા માંગે છે.

Just the start we wanted 🇮🇳 #CWC23 pic.twitter.com/8VaDrn2NJ5

— Jasprit Bumrah (@Jaspritbumrah93) October 8, 2023

મેં નરેન્દ્ર મોદી સ્ટેડિયમમાં વનડે મેચ રમી નથી પણ.. - બુમરાહ
વાત એમ છે કે અફઘાનિસ્તાન સામે ભારતની આઠ વિકેટની જીત બાદ બુમરાહે કહ્યું,  “હું છેલ્લા કેટલાક સમયથી બહાર છું. હું મારી માતાને ઘરે જોઈને ખુશ થઈશ. હું તેને મળવા જાઉં છું. મારા માટે આ પહેલી પ્રાથમિકતા છે. આગળ બુમરાહે કહ્યું કે 'મેં નરેન્દ્ર મોદી સ્ટેડિયમમાં વનડે મેચ રમી નથી, પરંતુ ટેસ્ટ મેચ રમી છે અને સફળ પણ રહ્યો છું. મારા અનુભવના આધારે આ મેદાન પર 14 ઓક્ટોબરે રોમાંચક મેચ રમાવા જઈ રહી છે. મને ખાતરી છે કે ઘણા લોકો આવવાના છે. તેથી, તે જોવાનું મૂલ્યવાન હશે.” 

🏡 pic.twitter.com/O5WBSiqhTw

— Jasprit Bumrah (@Jaspritbumrah93) May 30, 2022

પાકિસ્તાન સામે પણ જીતનો સિલસિલો જાળવી રાખશે 
ભારતીય ટીમ હાલમાં વર્લ્ડ કપ 2023માં શાનદાર ફોર્મમાં છે. ભારતે ટૂર્નામેન્ટમાં અત્યાર સુધી બે મેચ રમી છે અને બંનેમાં જીત મેળવી છે. ભારતીય ટીમે અત્યાર સુધી ઓસ્ટ્રેલિયા અને અફઘાનિસ્તાનનો સામનો કર્યો છે. ઓસ્ટ્રેલિયા સામે રન ચેઝમાં ખરાબ શરૂઆત બાદ કેએલ રાહુલ અને વિરાટ કોહલીએ ટીમને જીત તરફ દોરી હતી.

આ સિવાય અફઘાનિસ્તાન સામે રોહિત શર્માની શાનદાર સદીના કારણે ભારત આસાનીથી જીત નોંધાવવામાં સફળ રહ્યું હતું. જેમ જેમ ભારતની પાકિસ્તાન સામેની મેચ નજીક આવી રહી છે તેમ તેમ ચાહકોની નજર આ મેચ પર ટકેલી છે. હવે જોવાનું એ રહેશે કે આ મેચમાં બંને ટીમો કેવું પ્રદર્શન કરે છે.