ક્રિકેટ જગત / World Cup 2023: જાણો કઇ-કઇ ટીમો પહોંચશે ફાઇનલ-સેમીફાઇનલ સુધી? ઇંગ્લેન્ડના આ ક્રિકેટરે કરી ભવિષ્યવાણી

• વર્લ્ડ કપ 2023 પહેલા જેમ્સ એંડરસનની ભવિષ્યવાણી સામે આવી
• ફાઈનાલિસ્ટ ટીમ અને ચેમ્પિયન બનનાર ટીમનું નામ જણાવ્યું
• ભારત અને પાકિસ્તાન બાબતે મહત્ત્વપૂર્ણ નિવેદન આપ્યું

વર્લ્ડ કપ 2023ની શરૂઆત પહેલા ઈંગ્લેન્ડના ફાસ્ટ બોલર જેમ્સ એંડરસનની ભવિષ્યવાણી સામે આવી છે. કઈ ટીમ સેમિફાઈનલમાં પહોંચશે અને કઈ ટીમો બહાર થઈ જશે, તે અંગે જણાવ્યું છે. ફાઈનાલિસ્ટ ટીમ અને ચેમ્પિયન બનનાર ટીમનું નામ પણ જણાવ્યું છે. એંડરસને આ દરમિયાન ભારત અને પાકિસ્તાન બાબતે મહત્ત્વપૂર્ણ નિવેદન આપ્યું છે. 

મીડિયા રિપોર્ટ અનુસાર એંડરસને જણાવ્યું છે કે, ‘ઈંગ્લેન્ડ, ઓસ્ટ્રેલિયા, દક્ષિણ આફ્રિકા અને ભારતની ટીમ સેમિફાઈનલમાં પહોંચશે. પાકિસ્તાન પહોંચશે પરંતુ સેમિફાઈનલથી દૂર રહેશે. ન્યુઝીલેન્ડ સાથે પણ આ પ્રકારે થશે. ઈંગ્લેન્ડ અને ભારત વર્લ્ડકપ ફાઈનલ મેચ રમશે. ઈંગ્લેન્ડ ભારતને હરાવીને ચેમ્પિયન બનશે.’

એંડરસને દક્ષિણ આફ્રિકા વિશે જણાવ્યું છે કે, ‘જે પ્રકારે દક્ષિણ આફ્રિકાએ ઓસ્ટ્રેલિયા સામે વન ડે મેચમાં પ્રદર્શન કર્યું, તે ખૂબ જ શાનદાર પ્રદર્શન હતું. દક્ષિણ આફ્રિકા પાસે શાનદાર બેટ્સમેન છે અને બોલર પણ સારા છે.’

અલગ અલગ વિજેતાઓની ભવિષ્યવાણી
પૂર્વ ઈંગ્લિશ બોલર જૉનાથન એગ્નૂએ ભારતને ચેમ્પિયન કહ્યું હતું અને ન્યુઝીલેન્ડ સેમિફાઈનલમાં પહોંચશે તેવો દાવો કર્યો. મહિલા વર્લ્ડ કપ વિજેતા એલેક્સ હાર્ટલેએ પણ ભારત ચેમ્પિયન બનશે તેવી સંભાવના વ્યક્ત કરી. ભારતની સાથે ઈંગ્લેન્ડ, દક્ષિણ આફ્રિકા અને પાકિસ્તાનને સેમિફાઈનવનો દાવેદાર ગણાવ્યો. 

કમેંટેટર આતિફ નવાજે ઈંગ્લેન્ડને વિજેતા તરીકે અને ભારત, ઈંગ્લેન્ડ, પાકિસ્તાન અને દક્ષિણ આફ્રિકાને સેમિફાઈનલ માટે દાવેદાર ગણાવ્યા છે. ટાયમલ મિલ્સે પાકિસ્તાનને વિજેતા જાહેર કર્યું છે. વેસ્ટઈન્ડિઝના ક્રિકેટર કાર્લોસ બ્રેથવેટે ઈંગ્લેન્ડને ચેમ્પિયન ગણાવ્યું છે.