ધર્મ / ઘરના મંદિરમાં આ ભૂલો કરવી ખૂબ જ અશુભ છે, જો મોટા નુકસાનથી બચવા માંગતા હોવ તો તેને તરત જ સુધારી લો

• પૂજા ઘર સંબંધિત આ નિયમોને ક્યારેય અવગણશો નહીં
• નહીતર સહન કરવું પડશે મોટું નુકસાન 
• પૂજા ઘર માટે સૌથી વધુ સારી દિશા ઈશાન છે.

ઘણી વખત ઘરના પૂજા ઘર સાથે જોડાયેલી એવી ભૂલો થાય છે જેનાથી ઘણું નુકસાન થાય 

ભગવાનની પૂજા કરવા માટે ઘરમાં પૂજા સ્થળ પણ બનાવવામાં આવે છે. જેથી કરીને દરરોજ સરળતાથી ભગવાનની પૂજા કરી શકાય, સાથે જ ઘરમાં સકારાત્મકતા પણ રહે છે. પરંતુ ઘણી વખત ઘરના મંદિર એટલે કે પૂજા ઘર સાથે જોડાયેલી આવી ભૂલો થઈ જાય છે, જેનાથી ઘણું નુકસાન થાય છે. આ ભૂલોથી ભગવાન નારાજ થાય છે અને તેના કારણે પરિવાર પર મુસીબતોનો પહાડ આવી જાય છે. ધર્મ, વાસ્તુશાસ્ત્ર અને જ્યોતિષશાસ્ત્રમાં પૂજાઘરમાં કેટલીક વસ્તુઓ રાખવાની સખત મનાઈ છે. આવો જાણીએ પૂજા ઘરને લગતી કઈ-કઈ મહત્વની બાબતોનું હંમેશા ધ્યાન રાખવું જોઈએ, નહીં તો તેને અવગણવું પરિવારને ભારે પડી શકે છે.

- પૂજા ઘર માટે આ વાતોનું ધ્યાન રાખો 

-સનાતન ધર્મ અક્ષત (ચોખા) ખૂબ જ શુભ માનવામાં આવે છે. દરેક પૂજા અને શુભ કાર્યમાં અક્ષતનો ઉપયોગ કરવામાં આવે છે, પરંતુ યાદ રાખો કે પૂજામાં ક્યારેય તૂટેલા ચોખાનો ઉપયોગ ન કરવો.આમ કરવું ખૂબ જ અશુભ છે.
-મંદિરમાં ભગવાનની મૂર્તિઓ કે ફોટા એકબીજાની સામે હોય તે રીતે ન રાખો. જેના કારણે ઘરમાં ઝઘડો થાય છે. તેમજ મૂર્તિની સંખ્યા હંમેશા વિષમ સંખ્યામાં હોવી જોઈએ, જેમ કે 1, 3, 5 અથવા 7. એક સરખી સંખ્યામાં મૂર્તિઓ રાખવી સારી નથી.
-જો તમે ઘરમાં શિવલિંગ અને હનુમાનજી બંને રાખતા હોવ તો યાદ રાખો કે હનુમાનજીની મૂર્તિ શિવલિંગથી મોટી ન હોવી જોઈએ કારણ કે ભગવાન હનુમાનજીને શિવનો અવતાર માનવામાં આવે છે.
-સાથે જ શિવલિંગની સાઈઝ અંગૂઠાથી મોટી ન રાખો. આનાથી મોટું શિવલિંગ ક્યારેય ઘરમાં ન રાખવું.
-ઘરમાં દેવી-દેવતાઓનો ફોટો કે મૂર્તિ એવી હોવી જોઈએ કે જેમાં તેઓ હસતા હોય. જ્વલંત સ્વરૂપવાળા દેવતાઓના ચિત્ર જીવનમાં ઘણી મુશ્કેલીઓ લાવી શકે છે.
-મંદિરમાં તૂટેલી મૂર્તિઓ કે ચિત્રો ન રાખો. આમ કરવાથી ધનની હાનિ થાય છે.
-પૂજા ઘરને હંમેશા સાફ રાખો, પૂજા ઘરમાં ગંદકી રાખવાથી ઘરમાં દરિદ્રતા આવે છે.