IRCTC Down / IRCTC ની વેબસાઇટ અને App ઠપ: પૈસા કપાય છે ટિકિટ બુક નથી થતી, જોકે ઈમરજન્સી માટે હજુ પણ ચાન્સ, અહીં કરો બુકિંગ

• આજે મુસાફરોને IRCTC પર ટ્રેન ટિકિટ બુક કરાવવામાં મુશ્કેલી પડી 
• યુઝર્સની ફરિયાદ છે કે પૈસા કાપવા છતાં ટિકિટ બુક ન થઈ 
• IRCTCનું કહેવું છે કે ટેકનિકલ ખામી સર્જાઇ છે 

રેલવેમાં દરરોજ અઢળક લોકો મુસાફરી કરે છે એવામાં આજે એટલે કે મંગળવારે મુસાફરો રેલવે ટિકિટ બુકિંગ કંપની IRCTC પર ટ્રેન ટિકિટ બુક કરાવવામાં મુશ્કેલીનો સામનો કરવો પડ્યો હતો. મળતી માહિતી મુજબ રેલવે ટિકિટ બુકિંગ કંપની IRCTCની એપ અને સાઈટ બંધ થઈ ગઈ છે અને એ કારણે રેલવે મુસાફરો તેમની ટિકિટ બુક કરાવી શકતા નથી. આજે ટિકિટ બુકિંગ અને પેમેન્ટ દરમિયાન મુસાફરોને મુશ્કેલીનો સામનો કરવો પડ્યો હતો. સાથે જ ઘણા યુઝર્સની એવી પણ ફરિયાદ છે કે પૈસા કાપવા છતાં તેમની ટિકિટ બુક થઈ નહતી. 

Due to technical reasons the ticketing service is not available. Our technical team is resolving the issue. We will notify as soon as the technical issue is fixed.

— IRCTC (@IRCTCofficial) July 25, 2023

જણાવી દઈએ કે IRCTCનું કહેવું છે કે ટેકનિકલ ખામીના કારણે મુસાફરોને મુશ્કેલીનો સામનો કરવો પડી રહ્યો છે. નોંધનીય છે કે IRCTC એપ અને વેબસાઇટ બંને પર મુશ્કેલીનો સામનો કરવો પડી રહ્યો છે. એવામાં જો કોઈ મુસાસરને ટિકિટ બુક કરાવી છે તો તે IRCTCને બદલે, Amazon અને Makemytrip દ્વારા તમારી ટિકિટ કરાવી શકે છે. 

IRCTCનું કહેવું છે કે તેની ટીમ ટેકનિકલ ખામીને ઉકેલવા માટે કામ કરી રહી છે અને તે ટૂંક સમયમાં ઠીક કરવામાં આવશે. જણાવી દઈએ કે આ વિશે IRCTCએ ટ્વીટ કર્યું કે ટેક્નિકલ સમસ્યાને કારણે એપ અને વેબસાઇટમાં મુશ્કેલીનો સામનો કરો પડી શકે છે. જો કે, તમે બુકિંગ માટે Ask disha વિકલ્પ પસંદ કરી શકો છો. આ સિવાય જો તમારી પાસે તમારા IRCTC ઈ-વોલેટમાં પૈસા છે, તો ત્યાંથી પણ ટિકિટ બુક કરી શકાય છે. આ સિવાય રેલવે સ્ટેશન પરના કાઉન્ટર પરથી ટિકિટ બુક કરી શકો છો. 

Due to technical reasons, the ticketing service is not available on IRCTC site and App. Technical team of CRIS is resolving the issue.

Alternatively tickets can be booked through other B2C players like Amazon, Makemytrip etc.

— IRCTC (@IRCTCofficial) July 25, 2023

જણાવી દઈએ કે આ પહેલા 6 મેના રોજ IRCTCની સેવાઓ ઠપ થઈ ગઈ હતી જેના કારણે યુઝર્સને ભારે મુશ્કેલીનો સામનો કરવો પડ્યો હતો. તે દરમિયાન પણ સાઈટ ડાઉન હોવાને કારણે મેઈન્ટેનન્સનો ઉલ્લેખ કરાયો હતો. 

હાલ IRCTCએ તેના એક ટ્વિટમાં લખ્યું છે કે, 'ટેકનિકલ કારણોસર ટિકિટિંગ સેવા IRCTC સાઇટ અને એપ પર ઉપલબ્ધ નથી. ટેકનિકલ ટીમ સમસ્યાનો ઉકેલ લાવી રહી છે. વૈકલ્પિક રીતે ટિકિટ અન્ય B2C પ્લેયર્સ જેમ કે Amazon, Makemytrip વગેરે દ્વારા બુક કરી શકાય છે.