બેડ ન્યૂઝ / ફેબ્રુઆરીમાં મોંઘવારીએ માઝા મૂકી, જથ્થાબંધ ફૂગાવો 13.11 ટકા, આ વસ્તુઓના ભાવ વધ્યાં

• ફેબ્રુઆરીમાં જથ્થાબંધ મોંઘવારી વધી
• મોંઘવારી દર વધીને 13.11 ટકા થયો
• ઈંધણ મોંઘા થતા જથ્થાબંધ મોંઘવારી વધી

ફેબ્રુઆરીમાં જથ્થાબંધ ભાવ આધારિત ફુગાવો વધીને 13.11 ટકા થયો છે. સોમવારે સરકારે જાહેર કરેલા આંકડામાં આ માહિતી આપવામાં આવી છે. આ આંકડા મુજબ ખાદ્યચીજોના ભાવ વધવાના કારણે જથ્થાબંધ મોંઘવારી દરમાં વધારો જોવા મળ્યો હતો. આમ એપ્રિલ 2021થી સતત 11મા મહિને હોલસેલ મોંઘવારી દર (WPI ફુગાવો) બે આંકડામાં રહ્યો છે.

The annual rate of inflation is 13.11% (Provisional) for Feb 2022 as compared to 4.83% in Feb 2021.

The month-over-month change in the WPI index for Feb 2022 stood at 1.4 % as compared to Jan 2022.

Read here: https://t.co/tUcOKGHp3u pic.twitter.com/4ylUaywTL0

— PIB in Tamil Nadu (@pibchennai) March 14, 2022

જાન્યુઆરીમાં WPI ફુગાવો

જાન્યુઆરીમાં જથ્થાબંધ ફુગાવો 12.95 ટકા રહ્યો હતો. આ પહેલા ડિસેમ્બર 2021 માં તે 13.56 ટકા હતો. સરકાર તરફથી જાહેર કરવામાં આવેલા એક નિવેદન અનુસાર, ખનિજ તેલ, મૂળભૂત ધાતુઓ, રસાયણો અને રાસાયણિક ઉત્પાદનો, ક્રૂડ પેટ્રોલિયમ અને કુદરતી ગેસ, ખાવાપીવાની વસ્તુઓ અને બિન-ખાદ્ય ચીજોના ભાવમાં ગયા વર્ષના સમાન મહિનાની તુલનામાં તીવ્ર વધારો થયો છે.

ખાદ્ય ચીજવસ્તુઓનો ફુગાવો ઘટીને 8.19 ટકા થયો

દરમિયાન જાન્યુઆરીની સરખામણીએ ફેબ્રુઆરીમાં ખાદ્ય ચીજવસ્તુઓનો ફુગાવો ઘટીને 8.19 ટકા થયો હતો. જાન્યુઆરીમાં ખાદ્ય ચીજવસ્તુઓનો ફુગાવો 10.33 ટકા રહ્યો હતો. શાકભાજીનો જથ્થાબંધ ફુગાવો જાન્યુઆરીમાં ૩૮.૪૫ ટકાથી ઘટીને ફેબ્રુઆરીમાં ૨૬.૯૩ ટકા થયો છે.

કઈ ચીજવસ્તુના ભાવમાં કેટલો વધારો કે ઘટાડો 

ફેબ્રુઆરીમાં ડુંગળીના જથ્થાબંધ ભાવમાં 26.37 ટકાનો ઘટાડો થયો છે. તે જ સમયે, બટાકાના ભાવમાં 14.78 ટકાનો ઉછાળો જોવા મળ્યો હતો. ઇંડા, માંસ અને માછલીના ભાવમાં 8.14 ટકાનો ઉછાળો જોવા મળ્યો હતો, જ્યારે ઘઉંના ભાવમાં 11.03 ટકાનો ઉછાળો જોવા મળ્યો હતો. રશિયા-યુક્રેન યુદ્ધમાં સમગ્ર વિશ્વમાં ઘઉંના ભાવમાં ઉછાળો જોવા મળ્યો છે.

RBIએ વ્યાજદરમાં ફેરફાર કર્યો નથી

અત્રે નોંધનીય બાબત એ છે કે રિઝર્વ બેન્ક ઓફ ઇન્ડિયા (આરબીઆઇ)એ ફેબ્રુઆરીમાં યોજાયેલી મોનેટરી પોલિસીની બેઠકમાં મુખ્ય રેપો રેટમાં કોઇ ફેરફાર કર્યો ન હતો. વૃદ્ધિને ટેકો આપવા અને ફુગાવાના દબાણને સંચાલિત કરવા માટે કેન્દ્રીય બેંકે સતત 10મી વખત રેપો રેટને ૪ ટકા પર યથાવત રાખવાનો નિર્ણય કર્યો હતો.