ભારત કે ઈન્ડિયા? / દેશના નામને લઈને કોઈ પ્રસ્તાવ નથી લાવી રહી મોદી સરકાર, વિશેષ સત્ર મુદ્દે લાગી રહેલી અટકળો પર વિરામ : સૂત્રો

• 'પ્રેસિડેન્ટ ઓફ ભારત' લખવાને લઈને વિવાદ 
• હાલમાં ભારત નામ અંગે કોઈ બંધારણીય સુધારાની દરખાસ્ત નથી : સૂત્ર
• PM મોદીએ મંત્રીઓને ભારત વિવાદ પર કંઈ ન બોલવા સૂચના આપી 

G-20 ડિનરના આમંત્રણ પર 'પ્રેસિડેન્ટ ઓફ ઈન્ડિયા'ને બદલે ' પ્રેસિડેન્ટ ઓફ ભારત' લખવાને લઈને વિવાદ ચાલી રહ્યો છે. દરમિયાન સૂત્રોએ જણાવ્યું હતું કે હાલમાં ભારત નામ અંગે કોઈ બંધારણીય સુધારાની દરખાસ્ત નથી. આ એટલા માટે છે કારણ કે બંધારણમાં INDIA અને ભારત બંને નામોનો ઉલ્લેખ છે, તેથી કોઈપણ શબ્દ ગમે ત્યારે ગમે ત્યાં વાપરી શકાય છે. એવી અટકળો હતી કે 18 થી 22 સપ્ટેમ્બર સુધી ચાલી રહેલા સંસદના વિશેષ સત્રમાં દેશનું નામ બદલવા પર ચર્ચા થઈ શકે છે.

વિપક્ષના પ્રહાર

સમગ્ર મામલે પશ્ચિમ બંગાળના મુખ્યમંત્રી મમતા બેનર્જી, દિલ્હીના મુખ્યમંત્રી અરવિંદ કેજરીવાલ અને તમિલનાડુના મુખ્યમંત્રી એમકે સ્ટાલિન સહિત વિપક્ષા ગઠબંધન 'INDIA'ના પક્ષોના નેતાઓએ કહ્યું કે અમારા ગઠબંધનના કારણે આવું થયું છે. 'INDIA'માં કોંગ્રેસ, ટીએમસી, પૂર્વ સીએમ શરદ પવારની એનસીપી, ઉદ્ધવ ઠાકરેની શિવસેના, સમાજવાદી પાર્ટી, એમકે સ્ટાલિનની ડીએમકે, જેએમએમ અને ડાબેરીઓ સહિત 28 પક્ષો છે. આ પક્ષો લોકસભા ચૂંટણીમાં ભાજપ સામે લડવા માટે એક થયા છે.

બંધારણમાં શું છે?

‘INDIA ધેટ ઈઝ ભારત’ બંધારણની કલમ 1 માં લખાયેલું છે. આ સિવાય પ્રસ્તાવનામાં હિન્દીમાં 'અમે ભારતના લોકો છીએ અને અંગ્રેજીમાં 'We the Prople Of India' લખેલું છે. આવી સ્થિતિમાં એવી અટકળો લગાવવામાં આવી રહી હતી કે દેશનું નામ માત્ર ભારત બનાવવા માટે તેમાં સુધારો કરવો પડશે. સૂત્રોના જણાવ્યા અનુસાર વડાપ્રધાન નરેન્દ્ર મોદીએ બુધવારે પોતાના મંત્રીઓને ભારત વિવાદ પર કંઈ ન બોલવા સૂચના આપી છે.