ચકચાર / ગુજરાતનાં આ ગામમાં લંપટ સરપંચનો ત્રાસ: દીકરીઓ પર બગાડી નજર, બીભત્સ માંગણી ન સંતોષાતા કરી શરમજનક કરતૂત

• વડોદરામાં સરપંચે જ વટાવ્યા મર્યાદાના સીમાડા 
• 16 વર્ષની કિશોરીને ફેક્ટરીમાં બોલાવી કર્યો આબરૂ લૂંટવાનો પ્રયાસ
• પોલીસ ફરિયાદ નોંધાતા પોલીસે હાથ ધરી કાર્યવાહી

સરપંચને ગામનો રક્ષક અને તે આખામાંના લોકોના સુખ દુઃખનો સાથી માનવામાં આવે છે. પરંતુ જ્યારે સરપંચ જ મર્યાદાના સીમાડા વટાવે ત્યારે વાળ થઈને ચિભડા ગળે તેવો ઘાટ સર્જાતો હોય છે. એવો જ એક સરપંચ જે પોતાના જ ગામની કિશોરીની આબરૂ લેવા પર આવી ગયો છે હોવાથી પરિવારજનો મજબૂરીવસ ભયના ઓથાર હેઠળ જીવી રહ્યા છે.

સરપંચે 16 વર્ષની કિશોરીને ફેક્ટરીમાં બોલાવીને...
વડોદરાના પાદરા તાલુકાના દુધવાળા ગામના સરપંચના કારણે આજે એક પરિવારને જીવવું મુશ્કેલ બની ગયું છે. સમગ્ર ઘટના એવી છે કે દુધવાળા ગામના સરપંચ ઉત્તમ પટેલે બેરોજગાર પિતાને નોકરી આપવાની લાલચ આપી સરપંચે 16 વર્ષની કિશોરીને ફેક્ટરીના ગોડાઉનમાં બોલાવી હતી. આ દરમિયાન બળજબરી કરી હતી. જોકે કિશોરીએ પરિસ્થિતિ પારખી પિતાને બૂમ પાડી હતી. આથી સરપંચની ચૂંગલમાથી બાળકી માંડ બચી હતી. બાદમાં કિશોરીના વોટ્સએપ પર સરપંચે કરેલી વાતચીતના ચેટિંગ સાથે પોલીસમાં ફરિયાદ કરી હતી જોકે પોલીસે સરપંચને હાજર કરાવી જામીન પણ આપી દીધા હતા. જોકે જામીન મળ્યા બાદ સરપંચ પરિવારજનોને ધક ધમકી આપી રહ્યા હોવાના પણ આક્ષેપ થઈ રહ્યા છે. જેને લઇને આ આજે પરિવારને ગામમાં રહેવું પણ મુશ્કેલ બની ગયું છે.

વડોદરા કલેકટર અને જિલ્લા પોલીસ વડાને રજૂઆત
સરપંચ ઉત્તમ પટેલે પોતાનાથી અડધી ઉંમરની કિશોરીની આબરૂ લેવાનો પ્રયાસ કરતા લોકોમાં રોષ જોવા મળી રહ્યો છે. દુધવાળાની સોહમ કંપનીમાં કિશોરીના પિતાને નોકરી અપાવવાની લાલચ આપી હતી. જોકે સમગ્ર મામલે કિશોરીએ વડું પોલીસ મથકમાં ફરિયાદ નોંધાવી હતી. બાદમાં પોલીસે પોકસોની કલમ હેઠળ કાર્યવાહી હાથ ધરી હતી. રાજકીય વગ ધરાવતા સરપંચે જામીન મેળવી લીધા હતા. હવે પરિવારજનોને ધક ધમકીઓ આપે છે. ત્યારે ન્યાય માટે આજે પીડિતા અને તેનું પરિવાર વડોદરા કલેકટર અને જિલ્લા પોલીસ વડાને રજૂઆત કરવા આવ્યો હતો.