તાપમાન / ગુજરાત તપ્યું, રાજ્યના મોટા ભાગના શહેરોમાં ગરમીનો પારો 43 ડિગ્રીને પાર, જુનાગઢ પર્વત પર તો 47 ડિગ્રી, અમદાવાદમા અસહ્ય તાપ

• ગરમીનો પારો 43 ડિગ્રીને પાર 
• અમદાવાદમાં અંગ દઝાડતી ગરમી
• રાજકોટમાં 43 ડિગ્રીનું ટોર્ચર 
• જૂનાગઢમાં ગિરનાર પર 47 ડિગ્રી 

રાજ્યભરમાં મોટા ભાગના શહેરોમાં ગરમીનો પારો 43 ડિગ્રીને પાર પહોંચ્યો હતો. અમદાવાદ, રાજકોટ અને જૂનાગઢમાં અસહ્ય ગરમી અનુભવાઇ રહી છે જ્યાં શહેરીજનોએ બપોરના સમયે કામ સિવાયની અવરજવર ટાળી હતી. અમદાવાદમાં અંગ દઝાડતી ગરમીથી લોકો ત્રસ્ત થઇ ગયા હતા છે જ્યારે ગરમીથી રાહત મેળવવા ઠંડા પીણાનો સહારો લીધો હતો. જૂનાગઢ શહેરમાં તાપમાન 44 ડિગ્રીને પાર પહોંચ્યું હતું. જ્યારે ગિરનાર પર્વત પર તાપમાન 47 ડિગ્રી સુધી પહોંચ્યું છે. આવા ધગધગતા તાપમાં લોકોએ બહાર જવાનું ટાળ્યું છે. બપોરના સમયે શહેરના મુખ્ય માર્ગો પર લોકોની અવર જવર ઘટી ગઈ છે. વેકેશનનો સમય હોવા છતા પણ પ્રવાસન સ્થળો પણ ખાલીખમ જોવા મળી રહ્યા છે.

રાજકોટમાં આજે 43.5 ડિગ્રી તાપમાન
રાજકોટની ગરમીના પ્રકોપમાં સતત વધારો નોંધાઈ રહ્યો છે. રાજકોટમાં આજે 43.5 ડિગ્રી તાપમાન નોંધાયા છે. ગરમીથી બચવા લોકો ઠંડાપીણાનુ સેવન કરી રહ્યા છે. આઈસક્રીમ, સોડા અને શેરડીના રસનુ સેવન વધી રહ્યુ છે.  

રોડ-રસ્તા બપોરે સૂમસામ બન્યા
અમદાવાદમાં સતત આકરી ગરમી પડી રહી છે જેના કારણે શહેરના રોડ-રસ્તા બપોરે સૂમસામ બન્યા છે. ગરમીથી બચવા લોકો ઠંડા પીણાંનો સહારો લઈ રહ્યા છે. શેરડીના રસથી લોકો ગરમીમાં ઠંડક મેળવી રહ્યા છે. 

ગિરનાર પર્વત પર તાપમાન 47 ડિગ્રી
આ વર્ષે ઉનાળાની શરૂઆતમાં જ શહેરોમાં ગરમીનો પારો 43 ડિગ્રી સુધી પહોંચી ગયો છે. ત્યારે જૂનાગઢમાં કાળઝાળ ગરમીનો પ્રકોપ જોવા મળી રહ્યો છે. જૂનાગઢ શહેરમાં તાપમાન 44 ડિગ્રીને પાર પહોંચી ગયું છે. જ્યારે ગિરનાર પર્વત પર તાપમાન 47 ડિગ્રી સુધી પહોંચ્યું છે. આવા ધગધગતા તાપમાં લોકોએ બહાર જવાનું ટાળ્યું છે. બપોરના સમયે શહેરના મુખ્ય માર્ગો પર લોકોની અવર જવર ઘટી ગઈ છે. વેકેશનનો સમય હોવા છતા પણ પ્રવાસન સ્થળો પણ ખાલીખમ જોવા મળી રહ્યા છે.

આ રીતે કરો 'હીટવેવ'થી પોતાનો બચાવ
1. ભીષણ ગરમી દરમિયાન વધુ પડતા પ્રોટીન યુક્ત ખોરાક ખાવાનું અને રાંધવાનું ટાળવું જોઈએ.
2. ગરમીમાં ખાસ કરીને બપોરે 12 થી 3 વાગ્યા વચ્ચે ઘરેથી બહાર જવાનું ટાળો.
3. ભલે તમને તરસ ન લાગી હો તો પણ પર્યાપ્ત માત્રામાં પાણી પીવાનું ભૂલશો નહીં.
4 ગરમીમાં ડિહાઈડ્રેશનથી બચવા માટે લીંબુ પાણી, દહી, લસ્સી, છાસ સાથે-સાથે ફળોના જ્યૂસ પ
5. તાજા ફળો જેમ કે કાકડી, તરબૂચ, લીંબુ, નારંગીનું સેવન કરો.
6. હળવા રંગના પાતળા અને ઢીલા સુતરાઉ કપડાં પહેરો.
7. બહાર ખુલ્લા પગે જવાનું ટાળો. બહાર જતી વખતે કે ખુલ્લા તડકામાં જતી વખતે   છત્રી, ટોપી, ટુવાલ અથવા કોઈપણ વસ્તુથી તમારા માથાને ઢાંકવાનું રાખો. 
8. હીટ સ્ટ્રેસના લક્ષણો પર વિશેષ ધ્યાન આપો, જેમ કે ચક્કર, બેભાન, ઉબકા કે ઉલટી, માથાનો દુખાવો, વધુ પડતી તરસ લાગવી, એકદમ પીળો પેશાબ, પેશાબ ઓછો થવો, શ્વાસ લેવાની ગતિ અને હ્રદયમાં ધબકારા વધવા.
9. બાળકો અને પાલતુ પ્રાણીઓને કારમાં એકલા છોડવાથી બચો, કારણ કે વાહનની અંદરનું તાપમાન વધી શકે છે જેનાથી ખતરનાક સ્થિતિ ઉત્પન્ન થવાની સંભાવના વધી શકે છે.
10. તડકામાં જતા પહેલા સનસ્ક્રીનનો ઉપયોગ કરવાનું રાખો અને   નિયમિતપણે તેન લગાવતા રહો.