લાપરવાહી / બનાસકાંઠામાં સબસીડી યુક્ત બિયારણ કેનાલમાંથી મળ્યું, શું સ્થાનિક તંત્રનો અણઘડ વહીવટ જવાબદાર? અનેક તર્ક-વિતર્ક

• કેનાલમાંથી મળ્યું બિનવારસી બિયારણ
• દાંતીવાડા કેનાલ નજીકનો બનાવ
• પાણીમાં તણાઈને આવ્યો જથ્થો 

બનાસકાંઠામાં બિનવારસી બિયારણ કેનાલમાંથી મળ્યું છે. ડીસા-પાટણ હાઈવે પર દાંતીવાડા કેનાલ નજીકથી બિનવારસી બિયારણ મળ્યું છે. બિનવારસી મકાઈ બિયારણના 20 કટ્ટા મળી આવ્યા છે. કેનાલના પાણીમાં બિયારણનો જથ્થો તણાઈને આવ્યો છે.

બનાસકાંઠામાં બિનવારસી બિયારણ કેનાલમાંથી મળ્યું
ડીસા પાટણ હાઈવે પાસે દાંતીવાડા કેનાલમાંથી બિન વારસી બિયારણનો જથ્થો મળી આવ્યો છે. સ્થાનિક ખેડૂતોએ બિયારણ ભરેલા કટ્ટા કેનાલમાંથી બહાર નીકાળ્યા છે. સબસીડી યુક્ત બિયારણ કેનાલમાંથી મળવા બાબતે અનેક તર્ક-વિતર્ક શરૂ થયા છે. બિયારણ કેનાલમાંથી મળતા સ્થાનિક તંત્રની કામગીરી પર પણ સવાલો ઉભા થઈ રહ્યાં છે.

મકાઈ બિયારણના બિનવારસી 20 કટ્ટા મળી આવ્યા
કેનાલમાંથી મકાઈના બિયારણના બિનવારસી 20 જેટલા કટ્ટા મળી આવ્યા છે. સબસીડી યુક્ત બિયારણ કેનાલમાંથી મળવા બાબતે અનેક તર્ક-વિતર્ક શરૂ થયા છે. જે બિયારણનો જથ્થાને સ્થાનિક લોકોએ કેનાલમાંથી બહાર નીકાળ્યો હતો.

સળગતા સવાલ

• બિનવારસી બિયારણનો જથ્થો ક્યાથી આવ્યો?
• કેનાલમાં બિયારણનો જથ્થો નાખનાર કોણ?
• બિયારણને તળાવમાં નાખવાનું શું કારણ?
• કેનાલમાંથી મળેલું બિયારણ સરકારી છે?
• કેનાલમાં બિયારણ નાખનાર બેદરકાર કોણ?