Independence Day 2021 / આજે લોકો "ભયના માહોલ" વચ્ચે જીવી રહ્યા છે, 15 ઓગસ્ટે સ્વતંત્રતા કૂચ કાઢી અમિત ચાવડાના મોદી સરકાર પર પ્રહાર

• અમદાવાદમાં કોંગ્રેસે અલગ રીતે કરી 15 ઓગસ્ટની ઉજવણી 
• કોંગ્રેસ ભવનથી સરદાર બાગ સુધી કોંગ્રેસ કાઢી કૂચ 
• 15 ઓગસ્ટે પણ અમિત ચાવડાએ કેન્દ્ર સરકાર પર કર્યા પ્રહાર 

સ્વાતંત્રતા દિવસની આજે દેશભરમાં ઉજવણી કરવામાં આવી રહી છે. ત્યારે કોંગ્રેસ દ્વારા પણ આજે સ્વતંત્રતા દિવસની ઉજવણી કરવામાં આવી. અમદાવાદમાં આજે કોંગ્રેસ દ્વારા કોંગ્રેસ ભવનથી લાલ દરવાજા અને ત્યાથી સરદાર બાગ સુધીની કૂચ કરીને 15 ઓગસ્ટની ઉજવણી કરવામાં આવી હતી. જેમા મોટી સંખ્યામાં લોકો જોડાયા હતા. 

અમિત ચાવડાના પ્રહાર 

કોંગ્રેસ દ્વારા જે ઉજવણી કરવામાં આવી તેમા પ્રદેશ પ્રમુખ અમિત ચાવડા સહિતના કોંગ્રેસના નેતાઓ જોડાયા હતા. પરંતુ આ પ્રસંગે પર અમિત ચાવડાએ મોદી સરકાર પર અલગ રીતે પ્રહાર કર્યા હતા. 

લોકોને બોલવાની આઝાદી નથી : અમિત ચાવડા 

અમિત ચાવડાએ કહ્યું કે દેશમાં આજે 75મો સ્વતંત્રતા દિવસ ઉજવવામાં આવી રહ્યો છે. પરંતુ આજે પરિસ્થિતી એવી સર્જાઈ છે કે આજની તારીખમાં લોકોને બોલવાની કે લખવાની પણ આઝાદી નથી રહી. સાથેજ અમિત ચાવડાએ એવું પણ કહ્યું ભારતને આગળ લાવવામાં જુદી જુદી સરકારો તેમનું મહત્વનું યોગદાન આપેલું છે. 

લોકોને જાગૃત કરવા સ્વતંત્રતા કૂચ કાઢી 

ઉલ્લેખનીય છે કે અમિત ચાવડાએ આજે 15મી ઓગસ્ટના દિવસે સ્વતંત્રતા કૂચ કાઢીને લોકોને એવું પણ કહ્યું કે આજે બધા લોકો ભય અને ડરના માહોલ વચ્ચે જીવી રહ્યા છે. જે ગંભીર પરિસ્થિતી કહી શકાય. જેથી તેમણ સમંગ્ર મામલે એવું કહ્યું હતું કે કોંગ્રેસ સ્વતંત્રતા કૂચ કાઢીને લોકોને હવે જાગૃત કરશે.