ગુજરાત ચૂંટણી / સેન્ટ્રલ ગુજરાતના દમ પર જ ભાજપે બનાવી હતી સરકાર: પણ 12 સીટો પર 1% જ હતું અંતર, જાણો આ વખતે કેવા છે સમીકરણ

• મધ્ય ગુજરાતમાં ભાજપે 61માંથી 37 બેઠકો જીતી હતી
• ભાજપ નવા ચહેરા અને નવી રણનીતિ સાથે મેદાને ઉતરી છે
• 12 સીટો પર 1% કરતા ઓછા માર્જિનથી હાર-જીત થઈ હતી

ગુજરાત વિધાનસભાની ચૂંટણીમાં ભાજપ નવા ચહેરા સાથે નવી રણનીતિ સાથે મેદાને ઉતરી છે. ભાજપ ફરીથી સરકાર બનાવવા માટે તમામ પ્રયત્નો હાથ ધરી દીધા છે. મધ્ય ગુજરાતમાં જૂનુ દાવ રમવાનો શરૂ કરી દીધો છે. એવો દાવ કે જેમાં વિપક્ષ નિષ્ફળ સાબિત થઈ શકે, પરંતુ ભાજપ સમજે તેટલું આસાન નથી. રાજકીય ઈતિહાસ તપાસીએ તો ભાજપની મધ્ય ગુજરાતમાં પક્કડ સારી ગણાય છે, જો કે ગત ચૂંટણીની વાત કરીઓ તો ભાજપની પાછી પાની પણ જોવા મળી હતી, પણ પાછળથી ભાજપે ડેંમજ કંન્ટ્રોલ કરી કોંગ્રેસને હાર પણ આપી હતી.

રાજકીય વિશ્લેષકોનું શું કહેવું
રાજકીય વિશ્લેષકોનું માનવું છે કે, આ વખતે પણ જો ભાજપ ગત ચૂંટણીની સ્ટ્રેટજી અપનાવી તો તેમની સરકાર બનાવાની નિશ્ચિત છે, જો ભાજપ તે જૂની રણનીતિમાં નિષ્ફળ સાબિત થશે તો કોંગ્રેસ અહીંથી વધુ બેઠકો જીતશે. જો અહીંથી વધુ બેઠકો જીતે તો ગુજરાતમાં કોંગ્રેસ સરકાર બનાવી શકે છે. જો કે તમને જણાવી દઈએ કે, આ બંને પક્ષો માટે ત્રીજો પડકાર આમ આદમી પાર્ટી છે જેનું નુકસાન બંને પક્ષોએ ભોગવવું પણ પડી શકે છે.

કાંટેની ટક્કર થઈ હતી
મધ્ય ગુજરાતમાં 61 બેઠકો છે. ગત ચૂંટણીની વાત કરીએ તો આમાંથી 37 બેઠકો ભાજપે કબજે કરી હતી જેમાંથી 22 બેઠકો ભાજપના ખાતામાં આવી હતી અને 2 બેઠકો અન્ય પક્ષોએ જીતી હતી. એક-બે નહીં પરંતુ 30થી વધુ એવી બેઠકો હતી, જે પર જીત-હારનો માર્જિન નજીવો રહ્યો હતો. જો ગત વખતના પરિણામો અનુસાર સરખામણી કરવામાં આવે તો ભાજપ અને કોંગ્રેસ વચ્ચે માત્ર 22 સીટોનો તફાવત હતો. એટલે કે જો અહીં ભાજપ થોડી નબળી પડી હોત તો કદાચ છેલ્લી વખતે સરકાર બદલાઈ ગઈ હોત.

મધ્ય ગુજરાતમાં ભાજપે 61માંથી 37 બેઠકો જીતી
મધ્ય ગુજરાતમાં ભાજપે 61માંથી 37 બેઠકો જીતી હતી. સમગ્ર ચૂંટણીની વાત કરીએ તો 2017ની ચૂંટણીમાં ભાજપને 99 અને કોંગ્રેસને 77 બેઠકો મળી હતી એટલે કે બંને વચ્ચે 22 બેઠકોનો તફાવત હતો. જો મધ્ય ગુજરાતની વાત કરીએ તો અહીં અડધીથી વધુ બેઠકો પર મામલો ખૂબ જ રસપ્રદ હતો. 12 સીટો પર જીત અને હારનું માર્જીન 1% કરતા ઓછું હતું. આ સિવાય 20 બેઠકો એવી હતી જે ભાજપે બહુ ઓછા માર્જિનથી જીતી હતી.  પરિણામ તપાસીએ તો પણ ભાજપ અને કોંગ્રેસ વચ્ચે માત્ર 22 બેઠકોનો તફાવત રહ્યો હતો.

1% કરતા ઓછા માર્જિનથી હાર-જીત થઈ હતી
મધ્ય ગુજરાતની ઘણી બેઠકો પર ભાજપ અને કોંગ્રેસના પરિણામો ખૂબ જ રસપ્રદ આવ્યાં હતાં, જેમાંથી 12 બેઠકો એવી હતી કે જીતનું માર્જિન 1% કરતા ઓછું હતું. આ બેઠકો પર 1% કરતા ઓછું માર્જિન હતું જે  બેઠકોમાં કપરાડા (ST), ગોધરા, ધોળકા, માણસા, બોટાદ, દિયોદર, ડાંગ (ST), છોટા ઉદેપુર (ST), વાંકાનેર, વિજાપુર, હિંમતનગર અને મોડાસા હતી. જેમાંથી સાત બેઠકો કોંગ્રેસે જીતી હતી અને પાંચ ભાજપના ખાતામાં આવી હતી. આ ઉપરાંત અન્ય બેઠકો પર ભાજપનો પલડો થોડો ભારી રહ્યો હતો અને તેણે જીતનો હાંસલ કરી હતો.