આર્થિક વૃદ્ધિ દર / IMFએ જાહેર કર્યો ભારતનો આર્થિક વૃદ્ધિ દર, કહ્યું મોંઘવારી કાબૂમાં આવતા લાગી જશે આટલા વર્ષ

• ઇન્ટરનેશનલ મોનેટરી ફંડ ( IMF ) એ શુક્રવારે જાહેર કર્યો ભારતનો આર્થિક વૃદ્ધિ દર
• ચાલુ અને આગામી નાણાકીય વર્ષમાં ભારતનો આર્થિક વિકાસ દર અનુક્રમે 6.8 ટકા અને 6.1 ટકા રહેશે 
• અંધકારમય વૈશ્વિક આર્થિક પરિદ્રશ્યમાં ભારત પ્રકાશનું કિરણ:  IMF

ચાલુ નાણાકીય વર્ષ અને આગામી નાણાકીય વર્ષમાં ભારતનો આર્થિક વિકાસ દર અનુક્રમે 6.8 ટકા અને 6.1 ટકા રહેવાની ધારણા છે. IMF એ શુક્રવારે જાહેર કરેલા તેના તાજેતરના રિપોર્ટમાં આ વાત કહી છે. IMFના જણાવ્યા અનુસાર આ બાહ્ય દબાણ જેમ કે ક્રૂડ ઓઈલના ઊંચા ભાવ, નબળી બાહ્ય માંગ અને કડક થતી નાણાકીય સ્થિતિને કારણે થશે. વિડિયો કોન્ફરન્સ દ્વારા પત્રકારો સાથે વાત કરતા IMFના ભારતીય મિશનના વડા શોએરી નાડાએ કહ્યું કે, અંધકારમય વૈશ્વિક આર્થિક પરિદ્રશ્યમાં ભારત પ્રકાશનું કિરણ છે.

શું કહ્યું IMF એ ? 

ભારત માટે તેનો વાર્ષિક પરામર્શ અહેવાલ બહાર પાડતા IMFએ કહ્યું, અમે જોઈએ છીએ કે વર્તમાન નાણાકીય વર્ષમાં અર્થતંત્ર ખૂબ જ મજબૂત રીતે વધી રહ્યું છે. આ અહેવાલ અનુસાર ઓછા સાનુકૂળ દૃષ્ટિકોણ અને કડક નાણાકીય સ્થિતિને જોતાં વૃદ્ધિ દર મધ્યમ રહેવાનો અંદાજ છે. ભારત પર IMF રિપોર્ટ જણાવે છે કે. વાસ્તવિક GDP નાણાકીય વર્ષ 2022-23 અને 2023-24માં અનુક્રમે 6.8 ટકા અને 6.1 ટકાના દરે વૃદ્ધિ પામવાનો અંદાજ છે. નાડાએ કહ્યું કે. મ આ અંદાજો પહેલા કરતા ઘણા સારા છે. તેમણે કહ્યું, અમારા અનુમાન મુજબ, ભારત આ વર્ષે અને આવતા વર્ષે વૈશ્વિક વૃદ્ધિમાં અડધો ટકા યોગદાન આપશે. જ્યારે તેમને ભારતના સંદર્ભમાં જોખમો વિશે પૂછવામાં આવ્યું ત્યારે તેમણે કહ્યું કે, જોખમો મોટાભાગે બાહ્ય પરિબળોથી આવે છે.

તો શું મોંઘવારી ઓછી થશે ? 

IMFએ કહ્યું છે કે, ભારતમાં મોંઘવારી ધીમે ધીમે નીચે આવશે. 2022-23માં તે 6.9 ટકા રહેવાનો અંદાજ છે. આ પછી આગામી 5 વર્ષમાં તે ઘટીને 4 ટકા થઈ જશે. જોકે આવતા વર્ષથી તેનો ઘટાડો દેખાવા લાગશે. આગામી 2 વર્ષમાં તે RBIની સંતોષકારક શ્રેણીમાં આવશે. IMF એ તેનું કારણ બેઝ ઇફેક્ટ, ચુસ્ત નાણાકીય નીતિ અને લાંબા ગાળાના ફુગાવાના અંદાજોને યોગ્ય દિશામાં જવાનું કારણ આપ્યું છે. 

નોંધનીય છે કે, નવેમ્બરમાં ભારતમાં રિટેલ મોંઘવારી દર 5.88 ટકા હતો, જે આરબીઆઈની સંતોષકારક શ્રેણીમાં છે. આવું 2022માં પહેલીવાર બન્યું જ્યારે છૂટક ફુગાવો 6 ટકાથી નીચે આવ્યો. IMF રિપોર્ટ જણાવે છે કે, આયાત માંગ અને કોમોડિટીના ભાવમાં વધારો થવાને કારણે FY23માં ભારતની ચાલુ ખાતાની ખાધ જીડીપીના 3.5 ટકા સુધી વધી જશે. ગયા નાણાકીય વર્ષમાં તે જીડીપીના 1.7 ટકા હતો. મધ્યમ ગાળામાં તે ઘટીને 2.5 ટકા થવાની ધારણા છે. IMF ના મતે ક્રેડિટ ગ્રોથ સુધરી રહી હોવા છતાં મધ્યમ ગાળામાં આર્થિક વૃદ્ધિને વેગ આપવા માટે તેને વધુ મજબૂત બનાવવાની જરૂર છે.