આગાહી / દેશના આ રાજ્યોમાં અતિભારે વરસાદનું એલર્ટ.!, ગુજરાતમાં વરસાદ પડવાના કેવા વરતારા ? જાણો IMDની આગાહી

• દેશમાં ફરી વરસાદને લઈને કરાઈ આગાહી
• હવામાન વિભાગે વરસાદને લઈને કરી આગાહી
• અનેક રાજ્યોમાં ભારેથી અતિભારે વરસાદની આગાહી

દેશના વિવિધ રાજ્યોમાં વરસાદી માહોલ જારી રહ્યો છે. હવામાન વિભાગે જણાવ્યું છે કે ઉત્તર દ્વીપકલ્પ ભારત, ઓડિશા, છત્તીસગઢમાં આગામી પાંચ દિવસ સુધી ચોમાસું સક્રિય થવા જઈ રહ્યું છે. આ સિવાય પૂર્વોત્તર ભારત, મધ્યપ્રદેશ અને મહારાષ્ટ્રમાં બે દિવસ પછી એટલે કે 5 સપ્ટેમ્બરથી ભારે વરસાદ જોવા મળશે.

ભારે વરસાદની આગાહી

પૂર્વ ભારતની વાત કરીએ તો ગંગાના પશ્ચિમ બંગાળમાં 3 થી 4 સપ્ટેમ્બર, ઓડિશામાં 3 થી 7 સપ્ટેમ્બર અને આંદામાન અને નિકોબાર ટાપુઓમાં 3 થી 5 સપ્ટેમ્બર સુધી ભારે વરસાદ પડશે. આ સિવાય દક્ષિણ ભારત માટે હવામાન વિભાગે કહ્યું છે કે તામિલનાડુ, પુડુચેરી, કરાઈકલ, તટીય આંધ્ર પ્રદેશ, યાનમ, કેરળ, માહે, તેલંગાણામાં 3 થી 7 સપ્ટેમ્બર સુધી ભારે વરસાદની ચેતવણી જારી કરવામાં આવી છે. તટીય અને દક્ષિણ આંતરિક કર્ણાટકમાં 6 અને 7 સપ્ટેમ્બરે ભારે વરસાદ થશે. ઉત્તરીય આંતરિક કર્ણાટક અને રાયલસીમામાં 3 અને 4 સપ્ટેમ્બરના રોજ ભારે વરસાદ પડશે.

વરસાદની ચેતવણી જાહેર કરવામાં આવી 

મધ્ય ભારતની વાત કરીએ તો પશ્ચિમ મધ્ય પ્રદેશમાં 6 થી 7 સપ્ટેમ્બર, પૂર્વ મધ્ય પ્રદેશ અને વિદર્ભમાં 5 થી 7 સપ્ટેમ્બર, છત્તીસગઢમાં 3 થી 7 સપ્ટેમ્બર દરમિયાન ભારે વરસાદની ચેતવણી જાહેર કરવામાં આવી છે. દેશના પશ્ચિમ ભાગની વાત કરીએ તો કોંકણ, ગોવામાં 3 થી 7 સપ્ટેમ્બર, મધ્ય મહારાષ્ટ્ર અને મરાઠવાડામાં 5 થી 7 સપ્ટેમ્બર સુધી ભારે વરસાદ પડશે. પૂર્વોત્તર ભારત અંગે હવામાન વિભાગનું કહેવું છે કે આસામ, મેઘાલય, નાગાલેન્ડ, મણિપુર, મિઝોરમ અને ત્રિપુરામાં 6 અને 7 સપ્ટેમ્બરે ભારે વરસાદની ચેતવણી છે.