તંગીથી મેળવો છુટકારો / તમારા ખિસ્સાંમાં પણ જો પૈસા ટકતા ન હોય, ખર્ચા આવતા હોય: તો આજે જ છોડો આ આદતો, નહીંતર ક્યારેય શાંતિ નહીં મળે

તમારી દિનચર્યામાં કેટલીક ખરાબ આદતોના પગલે પૈસા ટકતા નથી
ખરાબ આદતોના કારણે દેવી લક્ષ્મી ક્રોધિત અને નારાજ થઈ જાય છે 
સવારે વહેલા ઉઠો અને સ્નાન કર્યા પછી  દેવી-દેવતાઓની પૂજા કરો

જો તમારા ઘરમાં પણ ઘણીવાર આર્થિક સંકટ રહે છે. જો ઘરમાં પૈસા ટકતા નથી અથવા મહેનત કર્યા પછી પણ પૈસા મેળવવાનો કોઈ રસ્તો નથી, તો આ સમસ્યા તમારી દિનચર્યામાં કેટલીક ખરાબ આદતોના પગલે થઈ શકે છે. આ ખરાબ આદતોના કારણે દેવી લક્ષ્મી ક્રોધિત થઈ જાય છે અને આવા વ્યક્તિને વારંવાર પૈસા સંબંધિત સમસ્યાઓનો સામનો કરવો પડે છે. ચાલો જાણીએ કઈ ખરાબ આદતોથી દેવી લક્ષ્મી નારાજ થાય છે..

વહેલા ઉઠો

એવું માનવામાં આવે છે કે જે ઘરમાં લોકો સવારના મોડે સુધી સૂતા હોય છે. આવા લોકો પર માતા લક્ષ્મી નારાજ થાય છે. એટલા માટે સવારે વહેલા ઉઠવાનો પ્રયાસ કરો અને સ્નાન કર્યા પછી તમામ દેવી-દેવતાઓની પૂજા કરો. આમ કરવાથી મા લક્ષ્મી પ્રસન્ન થશે અને હંમેશા તેમના આશીર્વાદ રાખશે.

ઘરમાં કચરો ન નાખો

એવું કહેવાય છે કે મા લક્ષ્મી ક્યારેય એવા ઘરોમાં વાસ કરતી નથી, જ્યાં સ્વચ્છતાનું ધ્યાન રાખવામાં ન આવે અને ઘરમાં ગંદકી હોય. તેથી ઘરમાં દેવી લક્ષ્મીની કૃપા મેળવવા માટે સ્વચ્છતાનું વિશેષ ધ્યાન રાખો.

એંઠા વાસણો ન રાખો

રાત્રે જમ્યા પછી રસોડામાં એંઠા વાસણો ન રાખવા. તેને તરત જ સાફ કરો. એવું માનવામાં આવે છે કે રાત્રે રસોડામાં વાસણો રાખવાથી માતા લક્ષ્મી નારાજ થાય છે.

કનકધારા સ્ત્રોતનો પાઠ કરો

ઘરમાં આર્થિક સંકડામણ દૂર કરવા માટે કનકધારા સ્તોત્રનો પાઠ કરી શકાય છે. આ સ્ત્રોતનો દરરોજ પાઠ કરવાથી ધનલાભનો યોગ બને છે અને ધન સંબંધિત તમામ સમસ્યાઓ દૂર થાય છે.

તુલસીની પૂજા કરો

જ્યોતિષ શાસ્ત્ર અનુસાર સુખ, સૌભાગ્ય અને સંપત્તિ માટે દરરોજ તુલસીના છોડને જળ ચઢાવો અને તુલસીના છોડ નીચે ઘીનો દીવો કરો. એવું માનવામાં આવે છે કે આવું કરવાથી ઘરમાં ક્યારેય પૈસાની સમસ્યા નથી આવતી.

સૂર્યદેવને જળ અર્પણ કરો

રોકાયેલું ધન પાછું મેળવવા માટે દરરોજ સૂર્યદેવને જળ અને ફૂલ ચઢાવો. એવું માનવામાં આવે છે કે આ ઉપાયથી જાતકને ધન પ્રાપ્તિની ઘણી તકો મળશે.