સ્વાસ્થ્ય / કફની સમસ્યા હોય તો આ વસ્તુઓ ભુલથી પણ ન ખાતા

ચરબીવાળી વસ્તુઓ
કોઇ પણ પ્રકારની ચરબીવાળી વસ્તુઓ કફ વધારવાનું કામ કરે છે તેથી તેનું સેવન ન કરવું જોઇએ. મેંદો, ખાંડ વાળી વસ્તુઓ, વધુ પડતો ગળ્યો આહાર ન લો.

દુધ
દુધ કફને વધારી શકે છે. જો તમારી કફ પ્રકૃતિ હોય તો તમારે દુધનું સેવન ઓછુ કરવું જોઇએ. જો દુધ પીવું જ હોય તો હળદર સાથે તેનું સેવન કરો.

નોનવેજ
કફ વધતા નોનવેજનું સેવન તમારા માટે નુકશાનકારક સાબિત થઇ શકે છે. તેનાથી બચો અને જો પ્રકૃતિ કફ વાળી હોય તેમ જાણતા જ હો તો નોનવેજ ઓછામાં ઓછુ ખાવુ જોઇએ.

માખણ
માખણમાં ફેટ વધુ હોય છે. તેથી તે કફ વધારવાનું કામ કરે છે. કફની સમસ્યામાં માખણ કે માખણયુક્ત પદાર્થોનું સેવન ન કરો.

પનીર
પનીર ખાવાથી કફ તો વધે જ છે, પરંતુ કેટલાક લોકોને પાચન સંબંધિત સમસ્યા પણ થઇ જાય છે કેમકે કેટલાક લોકોને પનીર સરળતાથી પચતુ નથી. તેથી તેનું અતિસેવન ન કરવું જોઇએ.

શું ખાવુ જોઇએ

- સવારે ઉઠીને અથવા ભોજન બાદ ગોળનું સેવન કરવું ફાયદાકારક છે. ગોળની તાસીર ગરમ હોય છે તેથી તે કફને ઘટાડવાની સાથે પાચનક્રિયાને સારી બનાવે છે.

- તુલસી, સુંઠ, આદુ અને મધ જેવી વસ્તુઓનુ સેવન કફ ઘટાડવામાં ખુબ ફાયદાકારક છે તેથી તેને કોઇ પણ રીતે ડાયેટમાં સામેલ કરો.

- જમ્યા બાદ તરત પાણી ન પીવો. જમ્યા પછી એક સાથે ઘણુ બધુ પાણી પીવાથી જઠરાગ્નિ મંદ થાય છે અને શરીર ઢીલુ થતુ જાય છે. કફ અને કફજન્ય વ્યાધિ વધે છે.

- કફ પ્રકૃતિ હોય તો સાંજે દહીં ખાવાનુ ટાળવું જોઇએ અને બપોરે પણ અઠવાડિયામાં બે થી ત્રણ વાર જ દહીં ખાવુ જોઇએ.