તમારા કામનું / ચા સાથે બિસ્કિટ ખાવાની ટેવ હોય તો ચેતજો! નહીંતર શરીર બની જશે રોગોનું ઘર, ધ્યાનમાં રાખો આ ટિપ્સ

ચા અને બિસ્કિટનો નાસ્તો દાયકાઓથી લોકપ્રિય 
ચા સાથે બિસ્કિટ સ્વાસ્થ્ય માટે કેટલું હાનિકારક 
ચા અને બિસ્કિટ તમારા DNAને નુકસાન કરે છે

ચા સાથે બિસ્કિટની મજા લેવી કોને પસંદ નથી. ભારતમાં મોટાભાગના લોકો ખાલી ચા પીવાને બદલે તેની સાથે બિસ્કિટ ખાવાનું પસંદ કરે છે. તમને પણ ખ્યાલ હશે કે ચા અને બિસ્કીટનો નાસ્તો દાયકાઓથી લોકપ્રિય છે, પરંતુ શું તમે જાણો છો કે આ તમારા સ્વાસ્થ્ય માટે કેટલું હાનિકારક છે ? અને આના કારણે તમારે કયા રોગોનો સામનો કરવો પડી શકે છે ?

તમારા DNAને નુકસાન પહોંચાડે

ડાયેટિશિયનના જણાવ્યા અનુસાર બિસ્કિટ ખૂબ જ પ્રોસેસ્ડ હોય છે. તેમાં BHA (Butylated Hydroxyanisole) અને BHT (Butylated Hydroxytoluene) જેવા પ્રિઝર્વેટિવ્સ હોય છે, જે તમારા DNAને નુકસાન પહોંચાડવાનું કામ કરે છે.

હૃદય સંબંધિત રોગોનું કારણ બને

બિસ્કિટમાં હાઇડ્રોજનયુક્ત વનસ્પતિ તેલ હોય છે, જે હોર્મોનલ અસંતુલન અને હૃદય સંબંધિત રોગોનું કારણ બને છે. આ જ કારણ છે કે બિસ્કિટ સ્વાસ્થ્ય માટે હાનિકારક માનવામાં આવે છે.

ડાયાબિટીસ અને હાઈ બ્લડ પ્રેશર જેવા ગંભીર રોગોનું જોખમ

બિસ્કિટમાં શુદ્ધ ખાંડની માત્રા વધુ હોય છે, જે ઇન્સ્યુલિનમાં વિક્ષેપ પેદા કરે છે અને ડાયાબિટીસ અને હાઈ બ્લડ પ્રેશર જેવા ગંભીર રોગોનું જોખમ વધારે છે.

આંતરડાની સમસ્યાઓનું કારણ

બિસ્કિટમાં રિફાઈન્ડ લોટ પણ હોય છે, જે પાચનતંત્રને ધીમું કરે છે અને આંતરડાની સમસ્યાઓનું કારણ બને છે. એટલું જ નહીં તેમાં સોડિયમનું પ્રમાણ પણ વધારે હોય છે. આ જ કારણ છે કે તેમને ખાવાથી બ્લડ પ્રેશર વધી શકે છે.

બિસ્કિટના ગેરફાયદા જાણીને તમે સમજી જ ગયા હશો કે તેને ચા સાથે ખાવું સ્વાસ્થ્ય માટે ખતરનાક બની શકે છે. ચા સાથે ખાવાનું મન થાય તો શેકેલા ચણા ખાઓ. કારણ કે તે ઇન્સ્યુલિનને કંટ્રોલ કરીને બ્લડ શુગરના સ્તરને નિયંત્રિત કરે છે. શેકેલા ચણામાં બી-કોમ્પ્લેક્સ વિટામિન હોય છે, જે રોગપ્રતિકારક શક્તિ વધારવાનું કામ કરે છે. આ સિવાય ફાઈબરની હાજરીને કારણે તે પાચનક્રિયાને પણ સુધારે છે. શેકેલા ચણામાં કેલ્શિયમ અને મેગ્નેશિયમ પણ સારી માત્રામાં હોય છે, જે હાડકાંની મજબૂતાઈ જાળવી રાખવામાં મદદ કરે છે.