આદેશ / જૂનાગઢમાં આ વિસ્તારમાં આંદોલન કે સૂત્રોચ્ચાર કરશો તો લાગશે કલમ-144,કોના જાહેરનામાથી ઉકળી કોંગ્રેસ

• સરકારી કચેરી નજીક આંદોલન ના કરવાનું ફરમાન 
• ધારાસભ્ય હર્ષદ રીબડીયાનો વિરોધ 
•  ભંગ કરનાર સામે કલમ-144 હેઠળ કાર્યવાહી 

જૂનાગઢમાં જિલ્લા કલેકટરે કરેલા એક ફરમાન સામે કોંગ્રસે વિરોધ નોંધાવ્યો છે.વિરોધ નોંધાવતા કોંગ્રેસે આરોપ મુક્યો છે કે, જિલ્લા કલેકટરનું ફરમાન એ લોકશાહીની હત્યા છે. જિલ્લા કલેકટરે તાજેતરમાં એક આદેશ આપતા કહ્યું હતું કે, સરકારી કચેરીની 200 મીટર ત્રિજીયામાં કોઈ આંદોલન,દેખાવ-પ્રદર્શન  કે સુત્રોચ્ચાર નહિ કરવા.જે કોઈ આ નિયમ ભંગ કરશે તેમના સામે કલમ 144 અંતર્ગત કાર્યવાહી હાથ ધરાશે. 

વાણી -વિચાર સ્વાત્રન્ત્ર્યને ઘોટવા સમાન 

જિલ્લા કલેકટરના આ આદેશ બાદ, કોંગ્રસના વિસાવદરના ધારાસભ્ય હર્ષદ રીબડીયા એ કલેકટરના આદેશને વખોડી કાઢતા કહ્યું કે, આ લોક્શાહીની હત્યા સમાન છે.વાણી સ્વાતંત્રય કે વિચાર સ્વાત્રન્ત્યને ઘોંટી દેવા સમાન બાબત છે. કોઈ પોતાના હક માટે, કે ન્યાય માટે અહિંસક લડત લડે અને પ્રદર્શન કે દેખાવ કરે તે યોગ્ય છે.પરંતુ, સરકારી કચેરીની ત્રિજીયામાં 200 મીટરમાં આવું કઈ ના કરવાનું ફરમાન યોગ્ય નથી.

કલેકટર પાછું ખેંચે જાહેરનામું  

રીબડીયાએ ઉમેર્યું કે, કલેકટર કચેરી,મામલતદાર ઓફીસ, પ્રાંત કચેરીએ આવેદન પત્ર આપવું કે રજૂઆત કરવા જાય તેને ગુનાઈત કૃત્યની કલમ લગાવવી કેટલી યોગ્ય છે.કોઈ કામ નાં થતા હોય, કે કોઈ કામસર રજૂઆત કરવા જવાનું હોય તો પણ  દંડવાના ? આ પદ્ધતિ યોગ્ય નથી અને આ જાહેર્માનું તાત્કાલિક અસરથી રદ થવું જોઈએ તેવી માંગણી જુનાગઢના ધારાસભ્ય ભીખાભાઈ જોશી અને હર્ષદ રીબડીયાએ કરી છે.