તમારા કામનું / હોળીમાં નથી થઈ રહ્યુ રેલવેમાં રીઝર્વેશન તો આ ટ્રિક અપનાવી કન્ફર્મ કરો તમારી ટિકિટ

હોળીના તહેવાર આવી ગયા છે અને હવે રજાઓ પણ પડી રહી છે. ત્યારે હોળીના તહેવારમાં રોડ પર ટ્રાફિક વધુ રહે છે કારણ કે લોકો રજા પર પોતાના ઘરે જતા હોય છે. તો બીજી તરફ રેલવેમાં પણ મુસાફરોની સંખ્યા વધી જતી હોય છે કારણ કે હિન્દી હાર્ટ લેન્ડના એટલે કે UP-બિહારના લોકો મોટી સંખ્યામાં તેમના વતનમાં જતા હોય છે. જેઓ મોટે ભાગે ટ્રેનમાં જ મુસાફરી પસંદ કરે છે. જેથી હોળીના સમયમાં તમામને માટે ટ્રેનમાં રીઝર્વેશનની ટિકિટ મેળવવી મુશ્કેલ રહે છે. એક સાથે લાખો જણા પ્રયાસ કરતા હોવાથી લોકોને એકપણ ટ્રેનમાં "તત્કાલ ક્વોટા"ની ટિકિટ પણ નથી મળતી અને બુકિંગ કરવાના ટ્રાય પણ વેસ્ટ થાય છે અને તરત જ સીટો બુક થઈ જાય છે. પરંતુ જો તમે અમે જણાવેલી ટ્રિક અપનાવશો તો તત્કાલ ક્વોટાની ટિકિટ મેળવી શકશો.

મોબાઈલ ફોનનો વપરાશ વધી ગયો છે તેની સાથે ઈન્ટરનેટની એક્સેસબિલિટી સરળ બની હોવાથી લોકો મોબાઈલ પર જ મોટા ભાગના કામ કરતા હોય છે. જેમાં બેન્કીંગ જેવી સેવાનો ઉપયોગ પણ મોબાઈલથી કરે છે. પરંતુ લોકોનો હોળી જેવા તહેવારમાં  ટ્રેનની ટિકીટ બુક કરવાના પ્રયાસ નિષ્ફળ જતા હોય છે કારણ કે મોબાઈલ પર ઈન્ટરનેટની સ્પીડ ક્યારેક ધીમી હોય છે જેના કારણે બુકિંગ પ્રક્રિયામાં સમય લાગે છે. અને તે દરમિયાન તત્કાલ ક્વોટા બુક થઈ જાય છે. પરંતુ જો તમે સાયબર કાફેમાં જઈને "તત્કાલ ક્વોટા"ની ટિકિટ મેળવવાનો પ્રયાસ કરશો ત્યાં તમારી ટિકિટ કન્ફર્મ થઈ જશે. કારણ કે સાયબર કાફેમા હાઇ સ્પીડ ઇન્ટરનેટની સુવિધા ઉપલબ્ધ હોય છે. રેલવે અધિકારીઓનો પણ એવો મત છે કે સાયબર કાફેમાંથી બુક કરાવો તો "તત્કાલ ક્વોટા"ની ટિકિટ મળવાની શક્યતાઓ વધી જાય છે.

વધુ વાંચો : ફાસ્ટટેગમાં કપાઈ ગયો છે ડબલ ટોલ ટેક્સ? કેવી રીતે રિફંડ મેળવવું, બસ એક વસ્તુ રાખો યાદ

જો આપણે ટ્રેન મારફતે ક્યાંક બહાર જવાનું હોય તો આપણે એડવાન્સમાં ઓછામાં ઓછા 15 થી 20 દિવસ પહેલા ટિકિટ બૂક કરાવી શકાય છે. પરંતુ જો તમારે ક્યાંક અચાનક જવાનું થાય ત્યારે "તત્કાલ ક્વોટા" હેઠળ એક દિવસ અગાઉ બુક કરી શકો છે.  રેલવે કોચની ક્ષમતાના આધારે ટ્રેનોમાં "તત્કાલ ક્વોટા" 5%થી લઈને 30% સુધીનો હોય છે. આ કોટા જે તે રેલવે ઝોન કરે છે. રેલવે ઝોન ભીડના આધારે "તત્કાલ ક્વોટા" નક્કી કરે છે. જે રૂટમાં વધુ મુસાફરો હોય ત્યાં "તત્કાલ ક્વોટા" ઓછો અને જ્યાં ઓછા મુસાફરો હશે ત્યાં "તત્કાલ ક્વોટા"ની ટિકિટો વધુ ઉપલબ્ધ હોય છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો