તમારા કામનું / Driving License ખોવાઈ ગયું હોય તો ચિંતા ન કરો, ડુપ્લિકેટ માટે આ રીતે ઘરે બેઠા કરો એપ્લાય, જાણો ઓનલાઈન પ્રોસેસ

• આ રીતે ઘરે બેઠા કરો DL માટે અરજી 
• નહીં ખાવા પાડે RTOના ધક્કા 
• જાણો શું છે પ્રોસેસ 

ડ્રાઈવિંગ લાયસન્સ એક એવું ડોક્યુમેન્ટ છે જેના વિના તમે વાહન ચલાવી શકતા નથી. જો તમે ડ્રાઇવિંગ લાયસન્સ વગર ડ્રાઇવિંગ કરતા પકડાઈ જશો તો ચલણ કાપવામાં આવશે. લાયસન્સ છે પણ એવું બની શકે છે કે તે ક્યાંક ખોવાઈ જાય. આમ થવા પર ચિંતા કરવાની જરૂર નથી કારણ કે તમે ડુપ્લિકેટ ડ્રાઇવિંગ લાઇસન્સ માટે મિનિટોમાં ઓનલાઇન અરજી કરી શકો છો. અલગ-અલગ રાજ્યોમાં પ્રક્રિયા અલગ-અલગ હોય છે. ઉદાહરણ તરીકે, અમે અહીં યુપીની પ્રક્રિયા વિશે જણાવવા જઈ રહ્યા છીએ. ચાલો જાણીએ આ સરળ પ્રક્રિયાના સ્ટેપ્સ વિશે.

ડુપ્લિકેટ ડ્રાઈવિંગ લાયસન્સ એપ્લાય કર્યા પહેલા જમા કરો આ ડોક્યુમેન્ટ્સ 
જો તમે તમારા ડુપ્લિકેટ ડ્રાઇવિંગ લાયસન્સ માટે અરજી કરવા જઇ રહ્યા છો, તો સૌ પ્રથમ તમારે કેટલાક દસ્તાવેજો એકત્રિત કરવા પડશે જેની જરૂર પડી શકે છે. ડુપ્લિકેટ ડ્રાઇવિંગ લાયસન્સ માટે તમારે ફોર્મ-2 (LLD), અસલી લાયસન્સ, લાયસન્સની ફોટોકોપી, FIRની નકલ, પાસપોર્ટ સાઈઝ ફોટોગ્રાફ, ઉંમરનો પુરાવો અને એડ્રેસ પ્રૂફની જરૂર પડશે.

ઓનલાઇન એપ્લિકેશન માટે ફોલો કરો આ સ્ટેપ્સ
યુપીમાં ડુપ્લિકેટ ડ્રાઇવિંગ લાઇસન્સ માટે અરજી કરવા માટે સાથી પહેલા સારથી પરિવહનની વેબસાઇટ, https://parivahan.gov.in/ પર જાઓ, 'ઓનલાઇન સેવાઓ'નો વિકલ્પ પસંદ કરો અને પછી 'ડ્રાઇવિંગ લાયસન્સ રિલેટેડ સેવાઓ' પસંદ કરો. હવે 'ઉત્તર પ્રદેશ' પસંદ કરો જેના પછી તમને સારથી ટ્રાન્સપોર્ટની વેબસાઇટ પર રીડાયરેક્ટ કરવામાં આવશે. અહીં 'ડ્રાઈવિંગ લાઇસન્સ' પેજ પર જાઓ અને 'સર્વિસિસ ઓન DL (રિન્યુઅલ/ડુપ્લિકેટ/AEDL/IDP/Other)' પર ક્લિક કરો. 'કન્ટિન્યુ' સિલેક્ટ કરો અને પછી તમારો ડ્રાઇવિંગ લાઇસન્સ નંબર અને તમારો જન્મદિવસ એડ કરો. આ પછી પ્રાપ્ત DL ડિટેલ્સમાંથી તમારૂ ડ્રાઇવિંગ લાઇસન્સ પસંદ કરો અને કન્ટિન્યૂ પર પર ક્લિક કરો.

હવે કરો આ કામ 
તે પછી તમારા રાજ્યનું નામ અને RTO પસંદ કરો. તમારા ડ્રાઇવિંગ લાયસન્સ ડિટેલ્સની પુષ્ટિ કરો અને પછી 'ઈશુ ઓફ ડુપ્લિકેટ ડીએલ'ને પસંદ કરીને આગળ વધો. હવે તમારે જણાવવાનું રહેશે કે તમે DL માટે શા માટે અરજી કરી રહ્યા છો અને તે પછી તમે પહેલા ભરેલ એપ્લિકેશન ફોર્મ અને ચુકવણી પછી મળતી રસીદને ડાઉનલોડ કરો. તમારે આ બંને દસ્તાવેજો RTOની ઓફિસમાં લઈ જઈને જમા કરાવવાના રહેશે. તમારું ડુપ્લિકેટ ડ્રાઇવિંગ લાઇસન્સ થોડા દિવસોમાં આવી જશે.