લો બોલો ! / 'મને મસા છે રજા આપો' બોસે સાબિતી માંગી તો કંટાળી કર્મીએ હેરાનીભર્યું પગલું ભર્યું

હાલમાં એક ચોંકાવનારી ઘટના પ્રકાશમાં આવી છે. જેમાં એક પોસ્ટમાં કર્મચારીએ ખુલાસો કર્યો કે પાઈલ્સને કારણે રજા માંગી હતી કારણ કે ચાલવામાં તકલીફ થઈ રહી હતી. પાઈલ્સની બિમારીનો ઘણા લોકો ભોગ બને છે. તે એક મેડિકલ સમસ્યા છે જેમાં લોકોને ઘણી સમસ્યાઓનો સામનો કરવો પડે છે. તે અત્યંત પીડાદાયક પણ છે. ગંભીર કિસ્સાઓમાં તેમાં લોહી પણ દેખાય છે. સામાન્ય રીતે ગરમ પાણીથી સ્નાન કરીને મલમ લગાવીને અને પૂરતો આરામ કરીને તેની સારવાર કરવામાં આવે છે. ઘણા લોકો આ સમસ્યા વિશે ખુલીને વાત કરવામાં શરમ અનુભવે છે. અને જ્યારે આ બીમારીને કારણે ઓફિસમાંથી રજા માંગવાની વાત આવે છે, ત્યારે તે ઘણા લોકો માટે શરમનું કારણ બની શકે છે. પરંતુ એક કર્મચારીએ ખૂબ જ અનોખી રીતે આ આ પરિસ્થિતિનો સામનો કર્યો, જેણે બધાને આશ્ચર્યચકિત કરી દીધા.

જ્યારે મેનેજરે કર્મચારીને પાઈલ્સના તબીબી પુરાવા માટે પૂછ્યું, ત્યારે તેણે કંઈક એવું કર્યું જેની કોઈને અપેક્ષા નહોતી. એક અહેવાલ અનુસાર એક Reddit પોસ્ટમાં કર્મચારીએ ખુલાસો કર્યો કે મેં પાઈલ્સને કારણે રજા લીધી હતી અને મને ચાલવામાં તકલીફ થઈ રહી હતી. મારા મેનેજરે પુરાવા માંગ્યા, તેથી મેં તેને પાઈલ્સની તસવીર મોકલી. આ ઘટના બાદ કર્મચારીને ચિંતા થઈ કે તેણે કંપનીના નિયમોનું ઉલ્લંઘન કર્યું છે કે કેમ. તેણે પોસ્ટમાં લખ્યું કે હવે હું વિચારી રહ્યો છું કે શું મેં કંપનીના નિયમો કે કાયદા તોડ્યા છે. જો તે એચઆર અથવા પોલીસને કહે તો શું હું મુશ્કેલીમાં આવીશ?

સોશિયલ મીડિયા પર ચર્ચા

આ પોસ્ટ સોશિયલ મીડિયા પર ચર્ચાનું કારણ બની છે, જ્યાં ઘણા વપરાશકર્તાઓએ ઓફિસમાં રજા માંગવાના તેમના અનુભવો શેર કર્યા છે. કેટલાક લોકોને પણ આવી જ મુશ્કેલીઓનો સામનો કરવો પડ્યો છે, જ્યાં રજા માંગવી મુશ્કેલ છે. હાલમાં ઘણા લોકો આ ચર્ચામાં સામેલ છે.

વધુ વાંચો : આવા અખતરા ન કરાય! ગળામાં ઝેરી સાપ સાથે નાની બાળકીની મસ્તી, વીડિયો જોઈ યુઝર્સ ભડક્યા

7 દિવસ અગાઉ માંદગીની રજાની માંગ?

જો કે, બીમારીના કારણે રજા માંગવાનો ટ્રેન્ડ વાયરલ થતો રહે છે. તાજેતરમાં બીજી એક વિચિત્ર વાતચીત વાઈરલ થઈ હતી, જેમાં એક મેનેજરે એક કર્મચારીને કહ્યું હતું કે ઓછામાં ઓછા 7 દિવસ પહેલા બીમારીની રજા લેવી જોઈએ. આને લઈને ઈન્ટરનેટ પર ઘણો હોબાળો થયો હતો.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ