વિવાદ / ફતવાઓથી હું ડરતી નથી, ધમકીઓ બાદ પણ રૂબી ખાને કર્યું ગણેશ વિસર્જન

• રૂબી આસિફ ખાને તમામ ધમકીઓને અવગણીને ગણેશ વિસર્જન કર્યું
• ભગવાન ગણેશની મૂર્તિ સ્થાપિના કરતાં રૂબી ખાન વિરુદ્ધ ફતવો બહાર પડાયો હતો 
• રૂબી આસિફ ખાન લાંબા સમયથી હિંદુ દેવી-દેવતાઓની પૂજા કરે છે 

ઉત્તર પ્રદેશના અલીગઢની રહેવાસી રૂબી આસિફ ખાને તમામ ધમકીઓને અવગણીને આજે ગણેશ વિસર્જન કર્યું છે. રૂબી આસિફ ખાને તેના પતિ અને બે મુસ્લિમ મહિલાઓ સાથે બુલંદશહેરના નરોરા નરવર ઘાટ પર ગણેશ મૂર્તિનું વિસર્જન કર્યું. હાથ જોડીને પૂજા પણ કરી. રૂબી આસિફ ખાન પૂજાને લઈને ઘણીવાર વિવાદોમાં ઘેરાયેલી રહે છે. રૂબી આસિફ ખાન લાંબા સમયથી હિંદુ દેવી-દેવતાઓની પૂજા કરે છે, જેના માટે તેને જાનથી મારી નાખવાની ધમકીઓ મળે છે અને તેની આસપાસના લોકો તેને હિંદુ મહિલા કહે છે.

અલીગઢમાં ઘરે ગણેશ મૂર્તિ સ્થાપિત કર્યા બાદ મૌલાનાના નિશાના પર આવેલી રૂબી આસિફ ખાને સવારે પહેલા ગણેશજીની પૂજા કરી અને પછી મૂર્તિ સાથે નરોરા જવા રવાના થઈ. આ દરમ્યાન તેમને સુરક્ષા આપવા માટે ઘણા પોલીસકર્મીઓ એકસાથે હાજર હતા. 

बुलंदशहर में नरोरा नरवर घाट पर आज गणेश प्रतिमा अपने घर में स्थापित करने के बाद चर्चाओं में आई रूबी आसिफ खान के द्वारा गणेश प्रतिमा का विसर्जन किया गया
अपने पति व दो मुस्लिम महिलाओं के साथ गणेश प्रतिमा विसर्जन करने के लिए नरोरा पहुंची रूबीआसिफ खान pic.twitter.com/3Nwqee8jdE

— Mukesh Rajput journalist (@Mukeshk92294988) September 7, 2022

શું કહ્યું રૂબી આસિફ ખાને ? 

રૂબીએ કહ્યું, “મેં 31મીએ ભગવાન ગણેશની મૂર્તિ સ્થાપિત કરી હતી, ત્યારબાદ મારી વિરુદ્ધ ફતવો બહાર પાડવામાં આવ્યો હતો. મૌલાનાએ કહ્યું કે હું હિંદુ બની ગઇ છું, તેથી તેને ઇસ્લામમાંથી બહાર ફેંકી દો અને પરિવારને જીવતો સળગાવીને મારી નાખો. હું જ્યારે બહાર જાઉં છું ત્યારે લોકો ઊલટું કોમેન્ટ કરે છે કે હિંદુઓ જાય છે, પણ હું ફતવાઓ અને મૌલાનાઓથી ડરતી નથી. 

अलीगढ़ की रूबी आसिफ खान ने किया गणपति विसर्जन।अब बता रही अपने जान को ख़तरा।

गणेश प्रतिमा अपने घर में स्थापित करने के बाद चर्चाओं में आयी अलीगढ़ की रूबी आसिफ खान ने बुलंदशहर में विधिवत तरीके से किया गणेश प्रतिमा का गंगा में विसर्जन। pic.twitter.com/xosIOwjFOE

— priya singh (@priyarajputlive) September 7, 2022

ઘણી મુસ્લિમ મહિલાઓએ રૂબીને ટેકો આપ્યો  

રૂબીને તેના પતિ આસિફ ખાન અને વિસર્જન માટે તેની સાથે આવેલી મહિલાઓએ ટેકો આપ્યો હતો. તેણીએ કહ્યું કે, તે પહેલેથી જ તેની સાથે છે અને ભવિષ્યમાં પણ તેને સમર્થન આપશે. પછી ભલે કોઈ રૂબી સામે ફતવો જાહેર કરે. રૂબી આસિફ ખાનની પડોશમાં રહેતા ફારૂકે જણાવ્યું કે,  અમને રૂબી આસિફ ખાનની પૂજાથી કોઈ વાંધો નથી અને અમે રૂબીના ઘરની સામે જ રહીએ છીએ. અમને ખબર નથી કે તે તેના ઘરની અંદર શું કરે છે. અમારે તેની સાથે કોઈ લેવાદેવા નથી. અમને મૂર્તિની સ્થાપના વિશે થોડા દિવસો પહેલા જ ખબર પડી હતી.