હેલ્થ ટીપ્સ / અજુગતું પણ સાચું ! નાહવાનો ટૂવાલ પણ પાડી શકે બીમાર, થઈ શકે ઝાડા-ફૂડ પોઈઝનિંગ, જાણો કેમ-શું કરવું

• નાહવાના રુમાલનો એકધારો ઉપયોગ કરવાની બીમારીનો ખતરો
• સતત ભીનો રહેતો હોવાથી તેમાં બેક્ટેરીયા જામી શકે
• રુમાલને અઠવાડિયે એક વાર ધોવો જરુરી 

સાંભળીને થોડું અજુગતું લાગે પણ નાહવાના રુમાલને અઠવાડિયામાં એક વાર ધોવા વગર એકધારો ઉપયોગ કરવાથી બીમારીનો ખતરો રહે છે અને તેનાથી અમુક બીમારીઓ થવાનો પણ ખતરો રહે છે. 

ભીના રુમાલમાં બેક્ટેરીયાનો વાસ 
સામાન્ય રીતે દરેક વ્યક્તિ નહાયા પછી શરીરને લૂછવા કે સૂકવવા માટે ટુવાલનો ઉપયોગ કરે છે, પરંતુ કદાચ તમને ખબર નહીં હોય કે તેનાથી તમારા હેલ્થ ને નુકસાન થઈ શકે છે.  ઘણા અભ્યાસોમાં એવું કહેવામાં આવ્યું છે કે ટુવાલમાં ઘણા પ્રકારના બેક્ટેરિયા હોઈ શકે છે જે સ્વાસ્થ્ય માટે હાનિકારક છે. 

ખામી ક્યાં છે
હકીકતમાં ટૂવાલ બીજા કપડાંની જેમ વારંવાર ધોવાતો નથી, ભાગ્યે જ કોઈક તેને રેગ્યુલેર ધોતું હશે, મોટાભાગના લોકો ટૂવાલને નિયમીત ધોતા નથી અને ઉપયોગ રોજ થાય છે તેથી ભીનો રહેતો હોવાથી તે બેક્ટેરીયાનું ઘર થઈ જાય છે અને આવા ટૂવાલથી લૂંછવામાં આવતાં શરીરમાં કિટાણું જાય છે જે સરવાળે બીમાર પાડે છે. 

ગંદા કે ભીના ટુવાલના ઉપયોગથી ઝાડા અને ફૂડ પોઈઝનિંગનો ખતરો
ગંદો કે ભીનો ટૂવાલ વાપરવાથી ઝાડા અને ફૂડ પોઈઝનિંગ થઈ શકે છે કારણ કે તેમાં આ બન્ને બીમારીના કિટાણું હોઈ શકે છે. વારંવારના સ્પર્શથી તે સરળતાથી શરીરમાં ચાલ્યાં જાય છે. ભીના શરીરને સાફ કર્યા પછી, ટુવાલ ભીનો થઈ જાય છે અને લાંબા સમય સુધી ભીનો રહે છે. બેક્ટેરિયા ભેજમાં ઝડપથી અને સરળતાથી વધે છે.

અઠવાડિયામાં ટૂવાલને એક વાર જરુરથી ધોવો
બીમારીથી બચાવ માટેનો એકમાત્ર સરળ રસ્તો અઠવાડિયામાં ઓછામાં ઓછો એક વાર રુમાલને ધોવો જોઈએ અને ધોયા બાદ તેને તડકામાં સુકવી નાખવો જોઈએ જેથી તેમાં રહેલા કિટાણું મરી જાય છે અને આ રીતે તે ચોખ્ખો થઈ જાય છે.