આદિવાસી વિસ્તારમાં હોસ્પિટલમાં તબીબોનાં અભાવે લોકોને ભારે હાલાકી પડી રહી છે. આ સ્થિતિ ફરી એકવાર નજર સામે ત્યારે આવી જ્યારે ભરૂચના સાંસદ મનસુખ વસાવાએ એ મુદ્દો ઉપસ્થિત કર્યો. ડેડિયાપાડાની સિવિલ હોસ્પિટલ તબીબના અભાવે બંધ જેવી હાલતમાં છે.. જે તબીબ છે તે એક જ છે અને સરવાળે દર્દીનો ઈલાજ થઈ શકતો નથી. સાંસદ વધુ રોષે એટલા માટે ભરાયા હતા કે આ બાબતે આરોગ્યમંત્રીને વારંવાર રજૂઆત કરી છતા કોઈ ઉકેલ આવતો નહતો. જો કે મનસુખ વસાવાનો ઈશારો આરોગ્યમંત્રી અને તેની ટીમ સામે પણ હતો.
- ડેડિયાપાડાની સિવિલ હોસ્પિટલ તબીબના અભાવે બંધ હાલતમાં
- ડેડિયાપાડાની હોસ્પિટલમાં એક જ તબીબ છે
- ભરૂચના ભાજપના જ સાંસદ મનસુખ વસાવાએ રોષ ઠાલવ્યો
એવુ બની શકે કે આરોગ્યમંત્રીએ પોતાનું કામ નિષ્ઠાપૂર્વક કર્યુ હોય. પરંતુ તેની આસપાસ રહેલી ટીમ નક્કર કામગીરી કરતી ન હોય. સિક્કાની વધુ વરવી બાજુ એ હતી કે ડેડિયાપાડાની સામે રાજપીપળામાં જે હોસ્પિટલ છે ત્યાં તબીબો તો છે. પરંતુ દર્દી તરફ ધ્યાન નથી આપતા. દર્દી જયારે સાંસદને ફોન કરે છે અને સાંસદ સિવિલ સુપ્રિન્ટેન્ડન્ટને રજૂઆત કરે છે. તો સિવિલ સુપ્રિન્ટેન્ડન્ટ એવુ કહે છે કે સાંસદને મળવું હોય તો મારી ઓફિસમાં આવે. હવે સામાન્ય માણસે કલ્પના જ કરવી રહી કે એક સાંસદ સાથે જો આવું વર્તન થતું હોય તો તેની હાલત શું થતી હશે. અહીં પણ પાયાનો સવાલ એટલો જ છે કે તબીબના અભાવે કોઈ હોસ્પિટલ બંધ હોય તો દર્દી ઈલાજ માટે જાય ક્યાં..
- મનસુખ વસાવાએ હોસ્પિટલ મુદ્દે અનેકવાર રજૂઆત કરી
- અનેક રજૂઆત છતા ડેડિયાપાડાની સિવિલ હોસ્પિટલ જૈસે થે જેવી સ્થિતિમાં
હોસ્પિટલ બંધ, સાંસદનો બળાપો
ડેડિયાપાડાની સિવિલ હોસ્પિટલ તબીબનાં અભાવે બંધ હાલતમાં છે. ત્યારે ડેડિયાપાડાની હોસ્પિટલમાં એક જ તબીબ છે. ભરૂચનાં ભાપજનાં સાંસદ મનસુખ વસાવાએ રોષ ઠાલવ્યો છે. તેમજ મનસુખ વસાવાએ હોસ્પિટલ મુદ્દે અનેકવાર રજૂઆત કરી હતી. અનેક રજૂઆત છતાં ડેડિયાપાડાની સિવિલ હોસ્પિટલ જૈસે થે જેવી સ્થિતિમાં જ છે.
- ડેડિયાપાડાની સિવિલ હોસ્પિટલ બંધ હાલતમાં
- દર્દીની સારવાર નથી મળતી અને રજા આપી દેવાય છે
- તબીબ જ નથી અને સરવાળે દર્દીનો ઈલાજ થતો નથી
- રાજપીપળાની સિવિલ હોસ્પિટલમાં અધિકારીઓ તુમાખીથી વર્તે છે
- સિવિલ સુપ્રિટેન્ડન્ટ પણ એમ કહે છે કે સાંસદને મળવું હોય તો ઓફિસમાં આવે
સાંસદ રોષે કેમ ભરાયા?
ડેડિયાપાડાની સિવિલ હોસ્પિટલ બંધ હાલતમાં રહેતા દર્દીઓને ભારે હાલાકી ભોગવવાનો વારો આવ્યો છે. તેમજ દર્દીની સારવાર મળતી નથી અને રજા આપી દેવાય છે. તબીબ જ નથી અને સરવાળે દર્દીનો ઈલાજ થતો નથી. રાજપીંપળાની સિવિલ હોસ્પિટલમાં અધિકારીઓ તુમાખીથી વર્તે છે. સિવિલ સુપ્રિટેન્ડન્ટ પણ એમ કહે છે કે સાંસદને મળવું હોય તો ઓફિસમાં આવે. ત્યારે આ બાબતે મનસુખ વસાવાએ ડેડિયાપાડાની હોસ્પિટલનાં મુદ્દે મુખ્યમંત્રીને પણ રજૂઆત કરી છે. તેમજ મુખ્યમંત્રીએ આરોગ્યમંત્રીનું આ બાબતે ધ્યાન દોર્યું હતું. સાંસદ મનસુખ વસાવાનો આક્ષેપ છે કે આરોગ્ય મંત્રી અને તેમની ટીમ કોઈ વાત સાંભળતી નથી. તેમજ સારવારનાં અભાવે અંતરિયાળ વિસ્તારનાં દર્દીઓને અન્યત્ર રિફર કરવા પડે છે.
- મનસુખ વસાવાએ ડેડિયાપાડાની હોસ્પિટલના મુદ્દે CMને પણ રજૂઆત કરી
- મુખ્યમંત્રીએ આરોગ્યમંત્રીનું આ બાબતે ધ્યાન દોર્યું હતું
- વસાવાનો આક્ષેપ છે કે આરોગ્યમંત્રી અને તેની ટીમ કોઈ વાત સાંભળતી નથી
- સારવારના અભાવે અંતરિયાળ વિસ્તારના દર્દીઓને અન્યત્ર રિફર કરવા પડે છે
