બહાદુરી / નદીમાં નહાવા ગયેલા 14 વર્ષનાં બાળક પર મગરે કર્યો હુમલો, પછી જે કર્યું એ જાણીને હ્રદય ધબકારો ચૂકી જશે

• ઓડિશામાં નદી કિનારે 14 વર્ષના કિશોર પર મગરનો અચાનક હુમલો
• બહાદૂર બાળકે પોતાની સૂઝ-બુઝ બતાવીને મગરનો સામનો કર્યો
• મગરના મોંઢા અને આંખ પર બળપૂર્વક પંચ મારી બચાવ્યો પોતાનો જીવ

મગરે અચાનક 14 વર્ષના કિશોર પર કર્યો હુમલો

જો કે, બહાદૂર બાળકે પોતાની સૂઝ-બુઝ બતાવીને મગરનો સામનો તો કર્યો પરંતુ તેને પછાડીને સુરક્ષિત રીતે ત્યાંથી નિકળી ગયો. કિશોરનુ નામ ઓમ પ્રકાશ સાહૂ જણાવવામાં આવી રહ્યું છે, જે પોતાના મિત્રોની સાથે કેન્દ્રપાડા જિલ્લાના અરાજી ગામની પાસે કાની નદીમાં નાહી રહ્યો હતો ત્યારે એક ખતરનાક મગર ત્યાં પહોંચી ગયો અને તેના પર હુમલો કર્યો. ઓમ પ્રકાશ ગભરાયા વગર મગર સાથે લડ્યો અને બહાદૂરીપૂર્વક પોતાનો જીવ બચાવ્યો. 

ઓમ પ્રકાશે મગરને માર્યો પંચ

મગરે આ કિશોર વયની ઉંમરના ઓમ પ્રકાશને પકડવા માટે જેવો કૂદકો માર્યો ત્યારે તેણે મગરના મોંઢા અને આંખ પર બળપૂર્વક પંચ માર્યો. આ હુમલાથી મગરની પક્કડ ઢીલી થઇ અને ઓમ પ્રકાશે સૂઝ-બૂઝ બતાવીને ફટાફટ પાણીની બહાર નિકળી ગયો. જો કે, આ દરમ્યાન મગરના પંજા બાળકના શરીર પર વાગી ગયા. જેના કારણે તે ઘાયલ થઇ ગયો. ઓમપ્રકાશની સારવાર કટકના એસસીબી મેડિકલ કોલેજ અને હોસ્પિટલમાં ચાલી રહી છે. જ્યાં તેની હાલત સારી જણાવવામાં આવી છે. ઉલ્લેખનીય છે કે આ વિસ્તારમાં છેલ્લાં એક મહિનાની અંદર આ મગરના હુમલાની ત્રીજી ઘટના છે. ભિતરકનિકામાં ખારા પાણીના મગરની વસ્તી 1975માં 96થી અત્યાર સુધી અનેક ગણી વધીને 1784 થઇ ગઇ છે.