મનોરંજન / 28 વર્ષીય હોલીવુડ એક્ટ્રેસ, જેને ઑફર કરાઇ અત્યાર સુધીની સૌથી મોંઘી બોલીવુડ ફિલ્મ, ફીસ 5,30,00,00,000 રૂપિયા

બોલીવૂડમાં હોલીવુડ એક્ટ્રેસને એક ફિલ્મ માટે અત્યાર સુધીમાં સૌથી મોંઘી ફી ઓફર થઈ છે. આ એક્ટ્રેસ બીજું કોઈ નહીં પણ સિડની સ્વીની છે. આ એક્ટ્રેસ અનેકવાર હેડલાઇન્સમાં રહેતી હોય છે. જેમાં કોઈ વિવાદ હોય કે તેના બોલ્ડ રેડ કાર્પેટ લુક હોય કે પછી તેની ફિલ્મોની સફળતા હોય. હવે એવી ચર્ચા છે કે "યુફોરિયા" ફેમ સિડની બોલીવુડમાં ડેબ્યૂ કરવા માટે તૈયાર છે. રિપોર્ટ અનુસાર, તેને એક મેગા-બજેટ પ્રોજેક્ટ ઓફર કરવામાં આવ્યો છે. આ ડીલની રકમે દરેકને ચોંકાવી દીધા છે.

મીડિયા રિપોર્ટ્સ અનુસાર, સિડનીને આ ફિલ્મ માટે 35 મિલિયન પાઉન્ડ (આશરે 415 કરોડ રૂપિયા) ઓફર કરવામાં આવ્યા છે. સાથે સ્પોન્સરશિપ ડીલમાં 10 મિલિયન પાઉન્ડ (આશરે 115 કરોડ રૂપિયા) મળવાની પણ શક્યતા છે. મતલબ કે કુલ ઓફર આશરે 530 કરોડ રૂપિયા છે. એવું કહેવાઇ રહ્યું છે કે તેની પોપ્યિલારિટી આ પ્રોજેક્ટને માત્ર ભારતમાં જ નહીં પરંતુ ઈન્ટરનેશનલ લેવલે પણ આગળ ધપાવી શકે છે.

• ફિલ્મની સ્ટોરી હશે રસપ્રદ
  

અહેવાલો અનુસાર, સિડની સ્વીની આ ફિલ્મમાં એક અમેરિકન સ્ટારનો રોલ કરશે. સ્ટોરીમાં તે એક ભારતીય સેલિબ્રિટી સાથે પ્રેમમાં પડે છે. જેનું શૂટિંગ પેરિસ, ન્યુ યોર્ક, લંડન અને દુબઈ જેવા મોટા શહેરોમાં થશે. શૂટિંગ આવતા વર્ષની શરૂઆતમાં શરૂ થવાની શક્યતા છે. પરંતુ ફિલ્મનું નામ હજુ પણ નક્કી કરવામાં નથી આવ્યું. સાથે સિડની સ્વીનીએ આ ફિલ્મ કરવાનું હા કહ્યું છે કે નહીં તે પણ હજુ સુધી સ્પષ્ટ નથી થયું.

View this post on Instagram

A post shared by Sydney Sweeney (@sydney_sweeney)

• ઓફર પર સિડની સ્વીનીનું આશ્ચર્ય
  

સૂત્રો મુજબ, જ્યારે સિડની સ્વીનીને આ ઓફર મળી ત્યારે તે ખુદ આશ્ચર્યમાં પડી ગઈ હતી. તેને આ પ્રોજેક્ટ ખૂબ જ રસપ્રદ લાગ્યો છે. જોકે તેને હજુ સુધી આ ફિલ્મ માટે સહમતિ નથી આપી. અત્યારે સિડની આ ઓફર પર વિચાર કરી રહી છે અને ટૂંક સમયમાં નિર્ણય પણ લઈ શકે છે.

• અનેક હિટ પ્રોજેક્ટ્સમાં કર્યુ છે કામ
  

સિડની સ્વીનીને 2019 ની એમેઝોન પ્રાઇમ સિરીઝ "યુફોરિયા" થી ઓળખ મળી હતી. HBO ની બ્લેક કોમેડી "ધ વ્હાઇટ લોટસ" માં તેના રોલની પણ ખૂબ પ્રશંસા કરવામાં આવી હતી. તે આગામી સમયમાં અમાન્ડા સેફ્રાઇડ સાથે સાઈકોલોજીકલ થ્રિલર "ધ હાઉસમેઇડ" માં જોવા મળશે. આ ફિલ્મનું ડાયરેક્શન પોલ ફીગ કરશે. તેની પાસે પાઇપલાઇનમાં બીજા પ્રોજેક્ટ્સ પણ છે.

વધુ વાંચો : દિશા પટણીના ઘરે ફાયરિંગ કરનારા આરોપીઓનું એન્કાઉન્ટર, ગાઝિયાબાદમાં બંને શૂટરો ઠાર

• બાયોપિકમાં નિભાવશે મુખ્ય રોલ
  આ સિવાય સિડની સ્વીની ટૂંક સમયમાં અમેરિકન પ્રો-ફાઇટર ક્રિસ્ટી માર્ટિનની બાયોપિક "ક્રિસ્ટી" માં પણ જોવા મળવાની છે. આ ફિલ્મને ડેવિડ મિચોડ ડાયરેક્ટ કરી રહ્યા છે.આ ફિલ્મ આ વર્ષે 7 નવેમ્બરના રોજ રિલીઝ થવાની છે. જો બધું બરાબર રહ્યું તો સિડનીનું બોલીવુડમાં ડેબ્યૂ કરી શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ