World cup 2023 / હિટમેન રોહિત શર્માએ રચ્યો ઈતિહાસ: સચિન અને સહેવાગ બાદ આવો કમાલ કરનાર ત્રીજો ભારતીય ઓપનર

• રોહિત શર્માએ વર્લ્ડ કપ મેચ દરમિયાન ઈતિહાસ રચ્યો 
• રોહિત શર્માએ આંતરરાષ્ટ્રીય ક્રિકેટમાં ઓપનર તરીકે 14,000 રન પૂરા કર્યા 
• સચિન તેંડુલકર અને વિસ્ફોટક ઓપનર વીરેન્દ્ર સેહવાગ બાદ ત્રીજો ખેલાડી

ટીમ ઈન્ડિયાના કેપ્ટન અને સ્ટાર બેટ્સમેન 'હિટમેન' રોહિત શર્માએ રવિવારે બેંગલુરુના ચિન્નાસ્વામી સ્ટેડિયમમાં નેધરલેન્ડ સામે રમાઈ રહેલી વર્લ્ડ કપ મેચ દરમિયાન ઈતિહાસ રચ્યો છે. રોહિત શર્માએ આંતરરાષ્ટ્રીય ક્રિકેટમાં એક મોટું સ્થાન હાંસલ કર્યું છે, જે અત્યાર સુધી માત્ર મહાન બેટ્સમેન માસ્ટર બ્લાસ્ટર સચિન તેંડુલકર અને વિસ્ફોટક ઓપનર વીરેન્દ્ર સેહવાગ જ ભારત માટે હાંસલ કરી શક્યા છે. 'હિટમેન' રોહિત શર્માએ આંતરરાષ્ટ્રીય ક્રિકેટમાં ઓપનર તરીકે 14,000 રન પૂરા કર્યા છે.

Make that half-century number 💯 in international cricket for Rohit Sharma 👏👏

He powers #TeamIndia to yet another superb start!#CWC23 | #MenInBlue | #INDvNED pic.twitter.com/3tCVPUJ91K

— BCCI (@BCCI) November 12, 2023

રોહિત શર્માએ રચ્યો ઈતિહાસ

રોહિત શર્માએ રવિવારે બેંગલુરુના ચિન્નાસ્વામી સ્ટેડિયમમાં નેધરલેન્ડ સામેની વર્લ્ડ કપ મેચ દરમિયાન 12 રન બનાવીને આ મહાન રેકોર્ડ પોતાના નામે નોંધાવ્યો છે. રોહિત શર્માએ આ મેચની ત્રીજી જ ઓવરમાં આ મોટો રેકોર્ડ પોતાના નામે કરી લીધો છે. તે આંતરરાષ્ટ્રીય ક્રિકેટમાં 14000 કે તેથી વધુ રન બનાવનાર માત્ર ત્રીજો ભારતીય ઓપનર બન્યો છે. રોહિત શર્મા પહેલા માસ્ટર બ્લાસ્ટર સચિન તેંડુલકર અને વિસ્ફોટક ઓપનર વીરેન્દ્ર સેહવાગે ભારત માટે આ કારનામું કર્યું હતું.

𝗛𝗜𝗧𝗠𝗔𝗡 𝗦𝗣𝗘𝗖𝗜𝗔𝗟!

Captain Rohit Sharma now holds the record for the most ODI sixes in the calendar year 💥#TeamIndia | #CWC23 | #MenInBlue | #INDvNED pic.twitter.com/YTCYHAKk7B

— BCCI (@BCCI) November 12, 2023

ભારત માટે ઓપનર તરીકે સૌથી વધુ આંતરરાષ્ટ્રીય રન કોણે બનાવ્યા?

ભૂતપૂર્વ તોફાની બેટ્સમેન વીરેન્દ્ર સેહવાગે ભારત માટે ઓપનર તરીકે સૌથી વધુ આંતરરાષ્ટ્રીય રન બનાવ્યા છે. ભારત માટે ઓપનર તરીકે વીરેન્દ્ર સેહવાગે સૌથી વધુ 15,758 રન બનાવ્યા છે. આ મહાન ખેલાડીઓની યાદીમાં બીજા નંબરે સચિન તેંડુલકરનું નામ આવે છે. સચિન તેંડુલકરે ભારત માટે ઓપનર તરીકે 15,335 રન બનાવ્યા છે. આ યાદીમાં 'હિટમેન' રોહિત શર્માનું નામ ત્રીજા નંબરે આવે છે. ભારત તરફથી ઓપનર તરીકે રોહિત શર્માએ 14,049 રન બનાવ્યા છે.

આંતરરાષ્ટ્રીય ક્રિકેટમાં સૌથી વધુ રન બનાવનાર ભારતીય ઓપનર

1. વિરેન્દ્ર સેહવાગ - 15,758
2. સચિન તેંડુલકર - 15,335
3. રોહિત શર્મા - 14,049*
4. સુનીલ ગાવસ્કર - 12,258
5. શિખર ધવન – 10,867

આંતરરાષ્ટ્રીય ક્રિકેટમાં સૌથી વધુ રન બનાવનાર ઓપનર

1. સનથ જયસૂર્યા - 19,298
2. ક્રિસ ગેલ - 18,867
3. ડેવિડ વોર્નર - 18,026
4. ગ્રીમ સ્મિથ - 16,950
5. ડેસમન્ડ હેન્સ - 16,120
6. વિરેન્દ્ર સેહવાગ - 16,119
7. સચિન તેંડુલકર - 15,335